I ftohti, "ngrin" pacientet

Spitalet e vendit nuk garantojne kushte ngrohese. Me kete problem perballen edhe pacientet e spitaleve te medhenj. Keshtu ne shume pavijone e sherbime te spitalit "Nene Tereza", dhomat jane pa ngrohje, ndersa njerezit detyrohen te blejne vete pajisje qe kompensojne mungesat e spitalit. Te pakten ne pavijonin e kardiokirurgjise sistemi ngrohes nuk punon, prej me se nje jave. Kohe kjo qe ka perkuar edhe me perkeqesimin e kushteve te motit. Ndersa per sa i perket neurologjise pacientet e shtruar ne kete spital, nuk kane pare ngrohje gjate ketij viti, per shkak se kaldaja ka dale jashte funksionit pasi godina i eshte nenshtruar nje rikonstruksioni te plote. "I ftohti eshte bere i paperballueshem dhe e vetmja zgjidhje qe kemi gjetur eshte sigurimi i ngrohsave nga shtepia. Per sa kohe qe une kam qendruar ketu kaldaja nuk eshte ndezur asnje here, ndaj kerkojme qe te merren masa pasi pervec semundjes duhet te perballemi edhe me te ftohtin" shprehen pacientet e neurokirurgjise. Por kjo situate nuk eshte vetem ne kete pavijon por edhe ne ate te urgjences se kardiokirurgjise, ne kliniken e semundjeve te brendshme ne Qendren Spitalore "Nene Tereza" ne Tirane. Ky pavijon jo vetem eshte mbipopulluar prej te semureve me zemer, kryesisht te moshuar, por edhe sistemi i ngrohjes ka shfaqur probleme. Pothuajse te gjithe shtreterit jane plot, ndersa vete pacientet ankohen per qendrimin e gjate ne urgjence. Shqetesimin e pacienteve e pohon dhe mjeku kardiolog ne urgjence, Petrit Vargu. Sipas tij, pavijoni i kardiologjise me nisjen e vitit te ri duhet te siguronte shtreterit per trajtimin mjekesor te pacienteve, gje qe nuk ka ndodhur per shume arsye. "Na ishte premtuar qe ne fillim te 2009-es do te shtoheshin disa shtreter, pasi keto qe jane nuk e perballojne fluksin e pacienteve qe vijne per te marre ndihmen e pare ketu ne urgjence, por kjo nuk ka ndodhur. Ne vazhdojme te punojme me te njejtin numer shtreterish", - eshte shprehur mjeku kardiolog, Vargu. Por dhe ata paciente me zemer te sapo operuar, te cilet gjenden te shtruar ne pavijonin e kardiokirurgjise vuajne mungesat jetike te spitalit, duke filluar nga ngrohja. Ne keto kushte mungesash, nje pjese e ketyre pacienteve kane menduar qe ne fillim per ta siguruar ngrohjen me parate e tyre, dhe ne dhomat e tyre nuk mungojne ngroheset.

Drejtoria, masa per zgjidhjen e problemeve

Drejtoria e QSUT-se ka nisur te marre masa per zgjidhjen e problemeve te ngrohjes ne ato pavijone ku jane shfaqur problemet, kurse per sa i perket spitalin te Neurologjise, problemi pritet te zgjidhet vetem atehere kur te behet rikonstruksioni i plote i tij. Sipas punonjesve te ketij spitali, rikonstruksioni i plote i godines mund te behet vetem ne fund te vitit, kjo do te thote qe pacientet te sigurojne vete ngrohjen ne dhoma, kurse per sallat e operacionit problemi eshte zgjidhur me ane te kaldajes.