Fier, pyetesor per mesuesit qe ofrojne kurse private

Prej me se nje jave mesues e nxenes te shkollave te ciklit 9-vjecar dhe te mesem shteteror te rrethit Fier, jane perfshire ne nje test mbi mesuesit qe ushtrojne trysni mbi ta dhe cilet u kerkojne qe t'u bejne kurse private. Lajmi konfirmohet nga Drejtoria Arsimore Rajonale e Fierit. Tahir Kastrati drejtor i ketij institucioni, pohon se jane shperndare teste ku jane formuluar disa pyetje, ku nxenesit duhet te pohojne nese detyrohen nga mesuesit qe te bejne kurse per te kaluar klasen, apo jo. Sipas tij, mesohet se keto teste jane shperndare fillimisht ne shkollat e Fierit, Patosit, Roskovecit, Ballshit e neper komunat e rrethit Fier. Prej afro dhjete ditesh, testimi eshte shperndare gjithashtu edhe ne shkollat e mesme te Fierit si: "Janaq Kilica", "Perikli Ikonomi", "Petro Sota", etj. Kastrati pohon faktin se brenda javes se ardhshme do te perfundoje testimi, nderkohe qe nga 15 Dhjetori e deri ne fund te vitit do te merren masa ndeshkuese per mesuesit e lakuar prej nxenesve.