Fier rishfaqet mushkonja e malaries

Malarja mund të jetë harruar por insekti që e shkakton mbetet aty, në myzeqe.
Këto gropa më ujë janë strehë e mushkonjave mes të cilave edhe ajo e malaries.
DSHP ka 2 vjet që po kërkon marrjen e masave për të vrarë famëkeqen e quajtur anofele.

Dezinfektimi me preparatet përkatëse është i mundur sipas specialistëve , por jo për të zotët e punës, vendorët. 
Masivet pyjore dhe vija bregdetare kërkojnë mjete dhe menyra të sofistikuara për dezinfektim .

Edhe në kuadër të sezonit veror, vendorët nuk mund të bëjnë asgje vecse të lejojnë rrezikun e pickimit nga insekti për mijëra pushues. 
Neglizhencë dhe jo pamundësi reale sipas epidemiologeve.

Mushkonja anofele është transmetues i sëmundjes së malaries nga njeriu te njeriu. Në mungesë të masave mbrojtëse ajo mund të shkaktojë epidemi .

Vitin e Kaluar në rrethin e Fierit u shfaqën 3 raste me malaria.
Rastet ishin të mbartura nga persona që u kthyen në Shqipëri nga vende të Afrikës. Njësitë vendore kryejnë disa herë në vit dezinfektime për insekte të dëmshme.
Dezinfektantët janë të licensuar dhe të përcaktuar nga Instituti i shëndetit publik.
Anofeleja kërkon një preparat të posacëm për tu asgjesuar e mesa duket edhe mjete të tilla.