Fier, shpërthejnë dinamit për vjedhjen e kabllove

Fier- Persona ende të paidentifikuar kanë shpërthyer me dinamit kapakët e betonit, poshtë të cilëve gjendeshin kabllot elektrike, në tentativë për t’i vjedhur. Ngjarja ndodhi në ish uzinën e uresë së Azotitut në Fier, në orët e vona të natës.

Sipas burimeve të policisë, ekspertët janë duke hetuar për ngjarjen, por deri tani nuk ka asnjë të dhënë konkrete për autorët. Ndërkohë, në komisariat janë shoqëruar 7 rojet e uzinës, të cilët do të dëshmojnë, nëse kanë dijeni apo jo për sa ka ndodhur.

Mësohet se nga shpërthimi nuk ka pasur persona të dëmtuar, ndërkohë që po llogaritet dëmi material.