Fier, vonesat e tenderëve dogjën 20 për qind të buxhetit
Vonesat në procedurat e tenderimit kanë sjellë mosrealizim të investimeve në Qarkun e Fierit. Kjo është deklaruar gjatë analizës vjetore të Prefekturës së Fierit, ku prefekti Shahin Bejdaj tha se: "Mosrealizimi në total i investimeve të akorduara nga Buxheti i Shtetit ka ardhur si shkak i vonesave të procedurave për tenderimin e objekteve nga APP-ja, si dhe nga njësitë e qeverisjes vendore". Por me nivel të ulët realizimesh paraqiten dhe investimet nga të ardhurat vendore. Të ardhurat vendore dhe investimet nga to në të gjithë Qarkun e Fierit janë realizuar në masën 63 për qind. Sipas prefektit, "shkak i këtij mosrealizimi është mosvjelja në kohën e duhur e taksave dhe tarifave vendore, gjë që ka çuar në tenderimin jo në kohën e duhur, si dhe në mosrealizimin brenda vitit kalendarik të investimeve të planifikuara nga njësitë e qeverisjes vendore".
Sipas prefektit të Fierit, Shahin Bejdaj, konfirmohet se gjatë vitit 2008 ishin planifikuar të investoheshin në sektorë të ndryshëm rreth 599 milionë lekë, nga të cilat u investuan mbi 489 milionë ose rreth 81 për qind. Fieri si rreth i ka realizuar investimet në masën 87%, ndërsa rrethi i Mallakastrës paraqitet në masën 66 për qind. 31 rrugë, gjashtë ujësjellës, dhjetë objekte arsimore dhe gjashtë shëndetësore, si dhe modernizimi i gjendjeve civile janë disa nga sektorët më të rëndësishëm ku është ndërhyrë me investimet e qeverisë. Për infrastrukturën investimet janë realizuar në masën 88 për qind, në arsim-shëndetësi në masën 89 për qind dhe në ujësjellës në masën 69 për qind.
Sipas prefektit të Fierit, Shahin Bejdaj, konfirmohet se gjatë vitit 2008 ishin planifikuar të investoheshin në sektorë të ndryshëm rreth 599 milionë lekë, nga të cilat u investuan mbi 489 milionë ose rreth 81 për qind. Fieri si rreth i ka realizuar investimet në masën 87%, ndërsa rrethi i Mallakastrës paraqitet në masën 66 për qind. 31 rrugë, gjashtë ujësjellës, dhjetë objekte arsimore dhe gjashtë shëndetësore, si dhe modernizimi i gjendjeve civile janë disa nga sektorët më të rëndësishëm ku është ndërhyrë me investimet e qeverisë. Për infrastrukturën investimet janë realizuar në masën 88 për qind, në arsim-shëndetësi në masën 89 për qind dhe në ujësjellës në masën 69 për qind.