Fillimi i 2010, frenohet rritja ekonomike

Aktiviteti ekonomik vleresohet te kete regjistruar nje ngadalesim progresiv te ritmit te rritjes keto gjashte muajt e fundit. Guvernatori Fullani tha dje se, treguesit me te fundit te ekonomise reale, si treguesit e shitjeve, treguesit monetare dhe ata te besimit, sinjalizojne frenimin e metejshem te rritjes ekonomike gjate tremujorit te katert te vitit 2009 dhe fillimit te vitit 2010. Sipas tij, stopimi i investimeve nga pjesa me e madhe e bizneseve, shfrytezimi i ulet i kapaciteteve, renia e importit te mallrave kapitale dhe rritja e ulet e kredise per investime, deshmojne per nje ecuri te ngadalte te investimeve private edhe ne muajt e pare te ketij viti. Nga ana tjeter, ritmet me te moderuara te rritjes se punesimit dhe te pagave, tkurrja e kredise konsumatore, ecuria e dobet e shitjeve me pakice, si dhe indikacionet per rritjen e preferences se konsumatoreve per kursim, tregojne per nje frenim edhe te konsumit aktual dhe atij te pritur ne periudhen afatshkurter. Pas goditjes se rende te pesuar gjate vitit 2008 dhe gjashte muajve te pare te vitit 2009, ekonomia boterore ka hyre ne nje faze rikuperimi te aktivitetit ekonomik, e stimuluar nga politika monetare dhe fiskale ekspansioniste. Bankat qendrore kryesore kane vazhduar te ndjekin politika monetare lehtesuese, me qellim mbeshtetjen e tregut te kreditit dhe garantimin e qendrueshmerise se rritjes ekonomike. Fundi i recesionit ekonomik eshte shoqeruar nga gjallerimi i presioneve inflacioniste, duke reflektuar si efektin statistikor te lidhur me ecurine e cmimeve te produkteve baze, ashtu edhe rritjen e kerkeses ne ekonomine boterore.