Kriza greke, mblidhen nesër liderët e BE-së

çështja e krizës financiare greke do të jetë në tryezën e liderëve të vendeve evropiane, të cilët do të mblidhen nesër dhe pasnesër në Bruksel. Lajmin e ka bërë të ditur sekretari i Shtetit për çështjet Evropiane, spanjolli Diego Lopez Garrido, vendi i të cilit kryeson presidencën e radhës së BE-së.
Ndërsa presidenti i Komisionit Evropian, Jose Manuel Barroso ka deklaruar se përgjigjia ndaj kësaj çështjeje specifike do të jetë një test për liderët evropianë dhe angazhimin e tyre për "unionin monetar evropian".