Filmi anti-islamik, arabët bllokojnë YouTube

Arabia Saudite ka ndaluar aksesin në YouTube për të bllokuar videon anti-islamike.
 

Agjencia zyrtare saudite e lajmeve njoftoi se mbretëria ka dërguar një kërkesë në Google, që ka në pronësi edhe YouTube, për të “fshehur” të gjitha lidhjet që përmbajnë videon, e cila është prodhuar në Shtetet e Bashkuara dhe që tall profetin Muhamed.
 

Google nuk iu përgjigj menjëherë kërkesës së AP-së për ta komentuar këtë.
 

Google ka bllokuar publikimin e videos në Libi dhe Egjipt pas dhunës që ka përfshirë këto vende, si dhe në Indonezi dhe Indi, pasi videoja shkel ligjet në ato vende.