Financimi i infrastruktures rurale, gati 100 milione USD

Ministri i Puneve te Jashtme, Lulzim Basha zhvilloi nje takim ne seline e Bankes Islamike per Zhvillim me Presidentin e kesaj Banke, Muhamed Ali. Ne kete takim, ministri Basha shoqerohej dhe nga Guvernatori i Shqiperise prane kesaj Banke, numri dy i Financave, Sherefedin Shehu. Portofoli i Bankes Islamike per Zhvillim ne Shqiperi kap vleren e rreth 100 milione dollare, ku perfshihet edhe financimi prej afro 40 milione dollare, i segmentit Kalimash-Rexhepaj pjese e rruges Durres-Kukes. Ne vecanti u diskutua mbi kontributin e BIZH ne fondin prej 400 milione dollaresh, per projektin e qeverise shqiptare per ndertimin e 6 mije km rruge rurale, si dhe projekte konkrete ne fushen e shendetesise. Bashkefinancimi per projektin e rrugeve rurale, ishte gjithashtu teme kryesore ne takimin qe ministri Basha beri me zv/Presidentin e Fondit Saudit te Zhvillimit Ibrahim Al Bassam, ku u kerkua mbeshtetja e ketij fondi per kete projekt, si dhe projekte te tjera ne fushen e Teknologjise se Informacionit dhe nxitjes se investimeve dhe aktivitetit tregtar midis dy vendeve nepermjet grandeve dhe kredive te buta. Nderkohe qe ne takimin me miliarderin Saudit Princin Waleed bin Talal u diskutua per zhvillimin e biznesit ne Shqiperi. Ministri Basha dhe delegacioni qe e shoqeronte, zhvilluan takime me perfaqesuesit e biznesit saudit, si me Korporaten Saudite te Industrise Baze, Dhomen e Tregtise dhe Industrise se Riadit, te Xhedahut, etj. Ne keto takime Basha foli mbi klimen shume te favorshme te biznesit dhe lehtesirat qe qeveria shqiptare, ka krijuar per investitoret vendas dhe te huaj. Ai ftoi biznesmenet saudite qe te jene me aktive, ne tregun dhe ekonomine shqiptare duke prezantuar sektoret prioritare per investime.