"Partite shqiptare, jo me konflikte"
Presidenti Bamir Topi, inkurajoi dje bashkepunimin mes udheheqesve politike shqiptare ne Maqedoni, ne interes te paqes, qendrueshmerise dhe begatise. Kete mesazh, kreu i shtetit ia dha dje gjate nje takimi, kryetarit te Partise Demokratike Shqiptare te Maqedonise, Menduh Thaci. Ne takimin e zhvilluar ne ambientet e Pallatit te Brigadave, kreu i shtetit u shpreh: "Udheheqesit politike shqiptare ne Maqedoni, t'i largohen perfundimisht mosmarreveshjeve te vjetra duke e qetesuar e parapergatitur elektoratin shqiptar, qe te shkoje ne zgjedhje larg mendesive te konfliktualitetit dhe perplasjeve tradicionale". Ne kete pike, kreu i shtetit shqiptar theksoi nevojen e bashkepunimit mes partive shqiptare ne te mire edhe te se ardhmes se shqiptareve ne Maqedoni. Ndersa kryetari i Partise Demokratike Shqiptare te Maqedonise, Thaci pasi shprehu mirenjohjen per pritjen e rezervuar dhe vleresoi rolin e Institucionit te Presidentit, ne situaten aktuale politike ne Shqiperi, e informoi kreun e shtetit shqiptar rreth zhvillimeve me te fundit ne vendin fqinj, rreth problemeve dhe perpjekjeve te forcave politike shqiptare ne Maqedoni, per te gjetur gjuhen e perbashket e per ta perfaqesuar sa me mire elektoratin e tyre, me qellim permbushjen e aspiratave integruese euroatlantike. Ne takim u diskutua dhe rreth situates ne rajon, asaj ne Maqedoni ne vecanti, sidomos mbi klimen parazgjedhore atje, dhe rreth rolit te partive politike ne shtetin fqinj.