Fiorentina nuk është për Scudetto
Portieri i Fiorentinës, Emiliano Viviano ka hedhur poshtë sugjerimet se skuadra mund të luftojë për titullin e kampionit në Serie A.
Ekipi i Vincenzo Montellas ka fituar shtatë nga 12 xhirot e deritashme dhe gjendet në pozitën e katërt në tabelë. Por, portieri 26 vjeç ka insistuar se Viola nuk synon Scudetton. “Çështja Scudetto nuk është për ne”, deklaroi ai për Sky Sport Italia.
“Mendoj se pozita e tretë është objektiv më real. Ne duhet të mundohemi të vazhdojmë me këtë ritëm dhe të arrijmë sa më larg që është e mundur”, përfundoi Viviano.