Fishekzjarret, kete vit vetem 7 raste ne spital

Problemet dhe djegiet e shkaktuara nga fishekzjarret kete vit kane qene te pakta. Sipas mjekeve te pavijonit te djegie-plastikes, kane qene vetem 7 raste, te cilet nuk kane qene ne gjendje te rende. "Me daten 31 kane qene vetem dy persona, te cilet kane pasur djegie te lehta nga fishekzjarret. Keto raste kane ndodhur nga pakujdesia, por nuk kane qene problematike per pacientet", eshte shprehur mjeku Vladimir Filaj. Por, diten e pare te ketij viti eshte shenuar edhe numri me i madh i personave, te cilet kane pasur probleme nga fishekzjarret. Kane qene pese persona, te cilet jane drejtuar per ne QSUT dhe kane kerkuar ndihmen e mjekeve. "Kryesisht pacientet, te cilet kane kerkuar ndihmen tone kane qene femije, te cilet nuk e dine rrezikun e ketyre "lojerave". Shume pak nga fishekzjarret edhe lendet plasese kane te shkruar ne shqip se cfare rreziku perben nese ato nuk hidhen ne ambiente te hapura. Kjo ka bere qe te kemi, ashtu si edhe cdo vit, probleme te tilla per festat e fundvitit", eshte shprehur mjeku Filaj. Sipas tij, situata kete vit ka qene shume here me e qete sesa gjate viteve te kaluara kur shenoheshin mbi 30 raste. Gjate nderrimit te viteve ne QSUT jane paraqitur vetem 2 femije, te cilet kane pasur plage te lehta, ku eshte kerkuar vetem nje mjekim i momentit dhe me pas ata kane lene pavijonin. Ndersa gjate dites se pare te vitit situata ka ardhur duke u renduar, duke shkuar ne 5 raste, por edhe keto sipas mjekeve kane pesuar plage te lehta, te cilat jane mjekuar shume shpejt.
Pavaresisht paralajmerimeve per perdorim te kufizuar te ketyre lendeve shperthyese, perseri shqiptaret nuk kursehen ta kalojne sa me te zhurmshme naten e nderrimit te viteve. Ne me te shumten e rasteve qytetaret plagosin njeri-tjetrin, kurse te pakte ishin ata qe u veteplagosen.