"Mbremjen festive e perfunduam ne spital"

Pergatitja e ushqimit per darken e Vitit te Ri ka sjelle tragjedine ne familjen Mema ne Sukth te Durresit. Pergatitjet e fundit per te tryeze te bollshme kane bere qe dy bashkeshortet te kalojne darken ne spitalin e Durresit, ne gjendje te rende. Shkak per kete ngjarje eshte bere bllokimi i tubave te gazit, cka ka sjelle nje shperthim te jete i fuqishem te bomboles se gatimit, e cila rrezikoi seriozisht jeten e te dy bashkeshorteve Mentor dhe Hyrije Mema. Ka qene kjo e fundit, e cila i ka kerkuar ndihme te shoqit per te rikthyer ne pune furnelen e gazit, e cila nuk ndizej. Por shperthimi i gazit ka bere qe e gjithe familja ta kaloje festen e fundvitit ne spital bashke me te afermit e tyre. "Ka qene ora 19:00 e dates 31 dhjetor, kur po benim gatimet e fundit te festes se Vitit te Ti. Por nje problem qe na solli nje prej bombolave na beri qe te mos festonim si cdo vit", tregoi dje per "KJ" 58-vjecari Mentor Mema. Sipas tij, meqenese ne shtepi u ndodheshin dy bombola gazi ishte mundesia e nderrimit, sepse njera prej tyre kishte marre ajer. "Ne momentin qe nderrova njeren prej bombolave, harrova te mbyll celesin dhe ne momentin qe u ndez u be edhe shperthimi", vazhdon i kryefamiljari Mema. Sipas tij, fati ka qene me te, sepse ne momentin qe ka kryer nderrimin e bombolave te gazit kane qene te kthyera nga dritarja. "Ne momentin qe bombolat plasen kane qene te kthyera nga dritarja dhe kjo e fundit u hodh ne ere. Ndersa une me bashkeshorten mbetem te bllokuar ne tualet dhe ka qene djali, i cili ka shperthyer deren dhe ne mundem qe te dilnim", perfundon historine 58-vjecari.
Falenderime te pafundme kane dhene te dy bashkeshortet Mema per mjeket, te cilet i kane kuruar, sepse ndryshe ata nuk do te mund te kishin perballuar plaget qe kane marre. "I falenderoj te gjithe mjeket si ata te Durresit edhe ata ketu ne Tirane qe na dhane jeten e dyte. I gjithe faji ishte i imi, dhe ne momentin e shperthimit mendova qe jeta jone mbaroi ne ate moment", thekson gjithe gezim, Mentori. Sipas tij, vetem nderhyrja e specializuar e mjekeve beri qe te shpetonin dy bashkeshortet. Nderkohe, gruaja e tij, Hyrija, e cila beson edhe te mjekimet popullore, thote se ato nuk i dhane asnje efekt. "Kane qene vetem mjekimet qe na kane bere mjeket, te cilet kane permiresuar plaget e shumta qe ne kemi marre. Tashme nuk pyesim me per shenjat qe do te na mbeten, por gezojme qe jemi prane femijeve" tregon ajo. Ndersa per sa i perket nates se Vitit te Ri, ata shume pak i mbajne mend momentet e nderrimit te viteve, sepse kane qene nen kujdesin e mjekeve ne gjendje te rende. Kurse diten e neserme kane "festuar" dhe kujtuar ato momente te veshtira se bashku me femijet e tyre ne pavijonin e djegie-plastikes ne Qendren Spitalore Universitare "Nene Tereza".
Kuzhina pa kushte per dezinfektimin e eneve
Megjithese eshte permiresuar cilesia e ushqimit ne Qendren Spitalore Universitare "Nene Tereza", punonjesit e kuzhines ankohen per kushtet ne te cilat punojne. Sipas tyre, shume here u duhet te kujdesen vete per ujin e ngrohte per larjen e eneve, pasi mungon nje rrjet qe ta siguroje ate. "Shpeshhere na eshte dashur qe te ngrohim nje tenxhere ne furnela gazi dhe me pas te lajme dhe te dezinfektojme enet e tjera, te cilat perdoren per shperndarjen e ushqimit te pacientet", pohojne punonjeset e sherbimit te kuzhines. Sipas tyre, eshte shume e veshtire qe te lahen enet, sepse jane shume te medha dhe kerkoje domosdoshmerisht uje te ngrohte edhe gjate shpelarjes per largimin e yndyrave.
Fruta dhe perime per pacientet
Me privatizimin e plote te sherbimit te kuzhines, si dhe shperndarjes se ushqimit, pacientet gjate ketyre diteve te fundvitit kane pasur me shume fruta. Po keshtu vaktet kane qene te pasura edhe me perime, ndersa gjate nderrimit te viteve eshte shtuar edhe sasia e mishit. Kurse per sa i perket paketimit te ushqimit, ai ende nuk eshte bere i mundur, pasi gjate ketyre diteve priten te vijne edhe makinerite dhe pajisjet qe e mundesojne ate. Sipas pacienteve, edhe gjate ketyre diteve ushqimi ka ardhur ne pjata te hapura, por pajisjet e kuzhines kane qene te reja dhe jo ato qe jane perdorur dite me pare. Kurse per gramaturen e ushqimit dhe llojin jane kujdesur dietologet e pavijoneve, por edhe ata QSUT-se, te cilet kane percaktuar ushqimin per cdo pacient sipas semundjeve qe kane.
Urgjenca kirurgjikale ndryshon vendndodhje
Prej fillimit te ketij viti, urgjenca kirurgjikale ka ndryshuar vendndodhje. Prej kater ditesh rastet e urgjences nuk do te shkojne me perballe spitalit 6-katesh, por prane rruges kryesore. Drejtoria e QSUT-se pas investimeve qe ka bere ne rregullimin e ketyre ambienteve ka menduar qe pacientet, te cilet vijne ne gjendje te rende dhe kerkojne ndihme te menjehershme mjekesore, mund te futen me lehte ne kete pavijon. "Ketu te ne trajtohen te gjitha rastet te cilet vijne ne gjendje te rende dhe kerkojne operacione te shpejta, sic mund te jene ato te apendicitit. Ndaj eshte menduar qe urgjenca te jete ne ane te rruges dhe per automjetet dhe autoambulancat te mos krijohet problem", pohojne mjeket. Urgjenca e re ne hyrje te rruges se QSUT-se, pas spitalit nr 2.