Florenc Hoxha shmang ballafaqimin në gjykatë me punonjëset që ka dhunuar

Në gjykatën e shkallës së parë në Tiranë u zhvillua sot seanca kundër të pandehurit Florenc Hoxha, drejtues i Policisë Bashkiake në Tiranë, për dhunën e ushtruar ndaj dy inspektoreve të Bashkisë së Tiranës më 6 shtator 2011. Në fillim të hetimeve prokuroria kërkoi që Florenc Hoxha te pezullohej për t’u hetuar i lirë dhe jo i veshur në uniformën dhe detyrën që ai ushtronte. Por gjykata e rrëzoi këtë kërkesë.

Sot pas seancave të njëpasnjëshme, Florenc Hoxha ka shmangur ballafaqimin në gjykatë me faktet i sjella nga Prokuroria e Tiranës. Ai braktis seance pas seance seancat gjyqësore për të krijuar mundësinë për të mbyllur çështjen me procedurë.