Fondacioni “Shoqëria e hapur”, 100 mijë USD ndihmë për 1000 familje në Shkodër

Shkoder, 13 dhjetor, NOA - Fondacioni Shoqeria e Hapur per Shqiperine ka dhene 100 mije USD per mbeshtetjen e 1000 familjeve ne fshatrat e permbytura te qarkut te Shkodres. Ky fond jepet ne kuader te Programit te Fondit te Emergjences, nje projekt qe synon mbeshtetjen emergjente te 1000 familjeve per te perballuar nevojat baze per nje periudhe tre-mujore. Mbeshtetja perfshin ndihma me ushqime, uje te pijshem, dysheke, batanije, veshje si edhe paketa me artikuj higjenike.

Ne projekt vemendje e veçante i kushtohet mbeshtetjes per familjet Rome dhe per familjet e ngujuara.

Sipas te dhenave nga Kryqi i Kuq Shqiptar numri i banoreve te permbytur ne qarkun e Shkodres, te cilet kane nevoje per ndihme urgjente eshte rreth 12 mije 500 vete. Fillimisht, Kryqi i Kuq do te mbeshtese 2000 familje dhe Fondacioni Shoqeria e Hapur per Shqiperine nis financimin e nevojave baze per 1000 prej tyre.

Krahas kesaj mbeshtetjeje Fondacioni Shoqeria e Hapur per Shqiperine po financon edhe nje projekt tjeter ndihme prej 109 mije USD per Qarkun e Shkodres duke marre shkas nga permbytjet e meparshme.

Projekti ka nisur te zbatohet ne shtator 2010 dhe synon te mbeshtese rreth 300 familje per te rikuperuar produktet bujqesore dhe blegtorale te demtuara nga permbytjet.

Ne kete projekt eshte parashikuar riparimi i dy serave dhe ngritja e tri pularive ne komunat Ana e Malit, Gur i Zi dhe Dajç.