Forca e Sigurisë, me uniforma amerikane
Ministri i Forcës së Sigurisë së Kosovës (FSK), Fehmi Mujota, prezantoi dje uniformën e re të pjesëtarëve të FSK-së, donacion i Qeverisë së Shteteve të Bashkuara. Prezantimi u bë gjatë një takimi me mediat, ku uniformën e re e kishin të veshur dy kadetë të rinj. Uniforma e re ka ngjyrë të gjelbër, ndërsa bereta është e zezë. Emblema, që është flamuri i Kosovës, ndodhet e vendosur në krahun e majtë, emblema e njësisë në të djathtë, kurse emblema e gradës është e vendosur në gjoks.
Rregulloret
Ministri Mujota tha se kjo është një ditë e shënuar në historinë e krijimit të FSK-së. Ai theksoi se, mbështetur në Kushtetutën e Republikës së Kosovës dhe ligjet që e rregullojnë punën e Ministrisë së FSK-së, tashmë janë hartuar dhe po miratohen edhe rregulloret e para: Rregullorja për rekrutim në FSK, Kodi i Mirësjelljes, rregullorja mbi mbajtjen dhe përdorimin e armëve nga FSK-ja, kodi disiplinor, rregullorja mbi pushimet dhe ajo mbi emblemat dhe simbolet. Ligji për FSK-në përcakton 9 grada për oficerët e FSK-së, duke filluar nga nëntogeri deri te gjeneral-lejtnanti dhe 6 për nënoficerë, prej ushtarit deri te flamurtari. Duke shpjeguar shkurtesën KSF (Kosovo Security Force) në beretë, ministri Mujota tha se kjo u mundëson forcave të Aleancës së NATO-s t‘i identifikojnë më lehtë pjesëtarët e FSK-së.
Emblema e njësisë së pjesëtarëve të FSK-së që punojnë në ministri dhe në Komandën e Forcave Tokësore është luani dhe ylli gjashtëcepësh. Luani u tha se simbolizon fuqinë e FSK-së, ylli të ardhmen, shpresat dhe aspiratat e, gjithashtu, edhe diellin që ndriçon Kosovën. Emblemat e tjera për njësitë tjera do të dizajnohen me ngritjen e tyre dhe do të jenë në përputhje me ligjin e FSK-së.
Gradat
Një yll përcakton gradën e Gjeneralit të Brigadës, dy yje gradën e Gjeneral-Majorit, tre yje gradën e Gjeneral-Lejtnantit. Emblema për oficerët e tjerë do të përbëhet nga ylli gjashtëcepësh që qëndron mbi valët e ujit dhe zinxhirit. Valët e ujit simbolizojnë jetën dhe lëvizjen përpara, zinxhiri simbolizon unitetin dhe fuqinë.
Emblema për oficerë me gradë Majori deri te Koloneli përbëhet prej yllit gjashtëcepësh mbi simbolin e valës dhe zinxhirit - një yll shënon gradën e Majorit, dy yje i ka grada e Mënkolonelit dhe tre yje Koloneli.
Oficerët me grada më të ulëta kanë të njëjtin dizajn dhe vetëm vargun zinxhiror. Një yll shënon gradën e Nëntogerit, dy yje shënojnë Togerin, tre yje Kapitenin.
Emblemat e tjera përfshijnë simbolet e njëjta mbi shenjën në formë të shiritit të gradës. Grada e Flamurtarit përbëhet nga ylli gjashtëcepësh i rrethuar me dy shpata që priten dhe dafina, mbi tre shirita në formë të gradës. Shiritat simbolizojnë krahët e shqiponjës, kanë kuptimin e vizionit, shpejtësisë dhe ekuilibrit.
Emblema e gradës Kapter ka një trekëndësh me majën lart, të rrethuar me shpatat që priten dhe dafina mbi tre shirita në formë të gradës.
Emblema e Rreshterit të Klasit I e ka yllin gjashtëcepësh mbi shiritin e plotë në formë grade.
Emblema e gradës Rreshter ka një trekëndësh me majën lart mbi shiritin e plotë në formë grade.
Emblema e Tetarit ka yllin gjashtëcepësh, ndërsa ajo e Ushtarit ka trekëndëshin me majën lart.
Simbolika
Emblema e FSK-së është Flamuri i Republikës së Kosovës, bartet nga të gjithë pjesëtarët, e vendosur në uniformë në pjesën e sipërme të krahut të majtë
Emblema e Njësisë është e vendosur në uniformë në pjesën e sipërme të krahut të djathtë
Emblema e Gradës është e vendosur në uniformë në pjesën e sipërme qendrore të gjoksit
Emblema e Njësisë së Pjesëtarëve të FSK-së që punojnë në Ministri dhe në Komandën e Forcave Tokësore është luani dhe ylli gjashtëcepësh. Luani simbolizon fuqinë e Forcës së re të Kosovës
Ylli përbëhet nga dy trekëndësha - njëri (i sipërmi) simbolizon shpresat dhe aspiratat për të ardhmen e Kosovës, ndërsa tjetri (i poshtmi) simbolizon diellin që ndriçon Kosovën
Gjashtë cepat shënojnë komunitetet në Kosovë
Emblema e Beretës do të jetë me të njëjtin dizajn dhe në mes me shkronjat KSF (Kosovo Security Force)
Emblema për oficerë me gradë Gjenerali do të përbëhet nga ylli gjashtëcepësh i rrethuar me dy shpata që priten mes tyre të rrethuara me dafina. Shpatat simbolizon lirinë dhe fuqinë, dafina simbolizon fitoren dhe lavdinë
Rregulloret
Ministri Mujota tha se kjo është një ditë e shënuar në historinë e krijimit të FSK-së. Ai theksoi se, mbështetur në Kushtetutën e Republikës së Kosovës dhe ligjet që e rregullojnë punën e Ministrisë së FSK-së, tashmë janë hartuar dhe po miratohen edhe rregulloret e para: Rregullorja për rekrutim në FSK, Kodi i Mirësjelljes, rregullorja mbi mbajtjen dhe përdorimin e armëve nga FSK-ja, kodi disiplinor, rregullorja mbi pushimet dhe ajo mbi emblemat dhe simbolet. Ligji për FSK-në përcakton 9 grada për oficerët e FSK-së, duke filluar nga nëntogeri deri te gjeneral-lejtnanti dhe 6 për nënoficerë, prej ushtarit deri te flamurtari. Duke shpjeguar shkurtesën KSF (Kosovo Security Force) në beretë, ministri Mujota tha se kjo u mundëson forcave të Aleancës së NATO-s t‘i identifikojnë më lehtë pjesëtarët e FSK-së.
Emblema e njësisë së pjesëtarëve të FSK-së që punojnë në ministri dhe në Komandën e Forcave Tokësore është luani dhe ylli gjashtëcepësh. Luani u tha se simbolizon fuqinë e FSK-së, ylli të ardhmen, shpresat dhe aspiratat e, gjithashtu, edhe diellin që ndriçon Kosovën. Emblemat e tjera për njësitë tjera do të dizajnohen me ngritjen e tyre dhe do të jenë në përputhje me ligjin e FSK-së.
Gradat
Një yll përcakton gradën e Gjeneralit të Brigadës, dy yje gradën e Gjeneral-Majorit, tre yje gradën e Gjeneral-Lejtnantit. Emblema për oficerët e tjerë do të përbëhet nga ylli gjashtëcepësh që qëndron mbi valët e ujit dhe zinxhirit. Valët e ujit simbolizojnë jetën dhe lëvizjen përpara, zinxhiri simbolizon unitetin dhe fuqinë.
Emblema për oficerë me gradë Majori deri te Koloneli përbëhet prej yllit gjashtëcepësh mbi simbolin e valës dhe zinxhirit - një yll shënon gradën e Majorit, dy yje i ka grada e Mënkolonelit dhe tre yje Koloneli.
Oficerët me grada më të ulëta kanë të njëjtin dizajn dhe vetëm vargun zinxhiror. Një yll shënon gradën e Nëntogerit, dy yje shënojnë Togerin, tre yje Kapitenin.
Emblemat e tjera përfshijnë simbolet e njëjta mbi shenjën në formë të shiritit të gradës. Grada e Flamurtarit përbëhet nga ylli gjashtëcepësh i rrethuar me dy shpata që priten dhe dafina, mbi tre shirita në formë të gradës. Shiritat simbolizojnë krahët e shqiponjës, kanë kuptimin e vizionit, shpejtësisë dhe ekuilibrit.
Emblema e gradës Kapter ka një trekëndësh me majën lart, të rrethuar me shpatat që priten dhe dafina mbi tre shirita në formë të gradës.
Emblema e Rreshterit të Klasit I e ka yllin gjashtëcepësh mbi shiritin e plotë në formë grade.
Emblema e gradës Rreshter ka një trekëndësh me majën lart mbi shiritin e plotë në formë grade.
Emblema e Tetarit ka yllin gjashtëcepësh, ndërsa ajo e Ushtarit ka trekëndëshin me majën lart.
Simbolika
Emblema e FSK-së është Flamuri i Republikës së Kosovës, bartet nga të gjithë pjesëtarët, e vendosur në uniformë në pjesën e sipërme të krahut të majtë
Emblema e Njësisë është e vendosur në uniformë në pjesën e sipërme të krahut të djathtë
Emblema e Gradës është e vendosur në uniformë në pjesën e sipërme qendrore të gjoksit
Emblema e Njësisë së Pjesëtarëve të FSK-së që punojnë në Ministri dhe në Komandën e Forcave Tokësore është luani dhe ylli gjashtëcepësh. Luani simbolizon fuqinë e Forcës së re të Kosovës
Ylli përbëhet nga dy trekëndësha - njëri (i sipërmi) simbolizon shpresat dhe aspiratat për të ardhmen e Kosovës, ndërsa tjetri (i poshtmi) simbolizon diellin që ndriçon Kosovën
Gjashtë cepat shënojnë komunitetet në Kosovë
Emblema e Beretës do të jetë me të njëjtin dizajn dhe në mes me shkronjat KSF (Kosovo Security Force)
Emblema për oficerë me gradë Gjenerali do të përbëhet nga ylli gjashtëcepësh i rrethuar me dy shpata që priten mes tyre të rrethuara me dafina. Shpatat simbolizon lirinë dhe fuqinë, dafina simbolizon fitoren dhe lavdinë