"Foreing Policy" në shqip

"Foreing Policy", revista e njohur amerikane vjen edhe në gjuhën shqipe. Instituti Shqiptar i Medias, Klubi i Politikës së Jashtme dhe Forumi 2015 në Prishtinë në bashkëpunim me EUT ka prezantuar mesditën e djeshme fillimin e botimit në shqip. Që nga tetori i 2008-ës, "Foreign Policy" do të mund të shfletohet në shqip nga lexuesit në Shqipëri, Kosovë, Maqedoni etj. "Foreign Policy" është një revistë e njohur amerikane dymujorëshe e themeluar në vitin 1970 nga Samuel P. Huntington dhe Warren Demian Manshel. Revista është pjesë e grupit të botimit të "Washington Post" në Amerikë. Kryeartikujt e saj rrahin tema të nxehta të polikës botërore, integrimit dhe të ideve. Editorialet e saj shkruhen nga analistë të njohur. Që prej vitit 2006, kjo revistë ka dhe faqen e saj të internetit, përmes së cilës bën një "takim" të shpejtë me lexuesit në mbarë botën. Në hapsirën shqiptare ajo do të vijë si një botim më vete.