Formular për vizitat në poliklinika

 

Formulari i raportimit të vizitës mjekësore është risia e kontratave të reja me poliklinikat. Sipas ISKSH, me anë të tij detajohet i gjithë protokolli i mjekimit, diagnoza dhe mbarëvajtja e sëmundjes. Një tjetër e re është ndryshimi i klasifikimit të mjekut të familjes, kur ai nuk plotëson normën e ngarkesës, apo në raste të tjera me kërkesën e mjekut. Kjo në rastet kur mjeku pediatër kërkon të vazhdojë të mbajë fëmijët që kalojnë moshën 14 vjeç. Ndërsa paketa e shërbimeve, që këtë vit është më e detajuar, do të shërbejë edhe për kostifikimin e shërbimeve shëndetësore, që jepen në 413 qendrat shëndetësore në vend. Ajo ndihmon qendrat shëndetësore në aktivitetin e tyre të përditshëm, por nga ana tjetër i shërben ISKSH-së dhe Ministrisë së Shëndetësisë për monitorimin e tyre dhe hartimin e politikave.  Paketa paraqitet shumë transparente për të gjithë publikun që merr shërbim në këto qendra shëndetësore, në mënyrë që çdokush të dijë se çfarë shërbimesh do të përfitojë.