Fortuzi largohet nga stoli i Tiranës si zv-trajner

Tiranë (Start) - Indrit Fortuzi është larguar nga posti i tij si zv-trajner i ekipit të Tiranës. “Zogu” u përfol pas largimit të Slishkoviçit si një alternativë e mundshme për zëvëndësimin e tij, por ishte vetë ish-lojtari që nuk pranoi këtë përgjegjësi. Fortuzi ishte në krah të kroatit të larguar, që nga koha që ky i fundit mori në dorë drejtimin e klubit bardheblu.

Me ardhjen e trajnerit të ri, i cili ka qenë edhe ky më parë zv-trajner i Tiranës, Fortuzi është larguar në mënyrë enigmatike. Akoma nuk është bërë asgjë zyrtare për këtë largim, por duket që raportet midis Kolës dhe Fortuzit të jenë jo të mira.