Forumi Ekonomik: Korrupsioni ende barriere

Forumi Ekonomik Boteror ka shuar optimizmin qe sollen dy raportet e fundit te publikuara nga Banka Boterore dhe Transparency International mbi progresin e Shqiperise ne luften kunder korrupsionit dhe permiresimin e klimes se biznesit.

Ne raportin mbi indeksin e konkurueshmerise globale, i cili konsiderohet treguesi me i plote per gjendjen e nje ekonomie, Forumi e rendit Shqiperine ne vendin e 108 nga 134 vende te marra ne studim.

Raporti, i publikuar vetem nje dite me pare, konstaton se treguesi me problematik, i cili mban peng ekonomine shqiptare dhe potencialet e zhvillimit te saj, eshte korrupsioni.

Ne vend te dyte rendit mungesen e infrastruktures, ndersa treguesi i trete me problematik konstatohet ineficenca e qeverisjes dhe burokracia e rende.

Treguesit jane permbysur krahasuar me dy vjet me pare, kur ne krye te problemeve qendronte ineficenca e qeverisjes, ndersa korrupsioni ishte vetem ne vendin e trete.

Raporti per vitin 2008-2009 jep nje pamje pesimiste mbi gjendjen ne Shqiperi, pasi nga 113 tregues qe merr ne shqyrtim, 103 prej tyre i konstaton si dizavantazhe per ekonomine dhe qytetaret dhe vetem 10 tregues konsiderohen si pozitive.

Raporti konstaton se Shqiperia ka probleme serioze ne te drejtat mbi pronen, transparencen e qeverise, krimin e organizuar, furnizimin me energji, mbrojtjen e te drejtave te autorit, etj.

Shqiperia ka marre renditje pozitive vetem per shume pak tregues, dhe per ironi pjesa derrmuese e tyre duket se jane te trasheguara nga sistemi komunist.

Incidenca e ulet e malaries, ajo e tuberkulozit, arsimi elementar, krahu i lire i punes dhe qendrueshmeria e inflacionit jane treguesit ku Shqiperia qendron ne pararoje edhe te shume ekonomive te zhvilluara.