Franca paralajmërohet përsëri për zhvlerësim

Agjensia e vlerësimeve financiare, “Fitch”, rikonfirmoi vlerësimin maksimal AAA për Francën, por paralajmëroi ekonominë e dytë më të madhe të Eurozonës për mundësinë e afërt të zhvlerësimit.

Në një raport të bërë publik mëngjesin e së dielës, vlerësimi për Francën kalonte nga AAA i qëndrueshëm në AAA negative. Një perspektivë negative, zakonisht mund të sjellë zhvlerësimin brenda 12-18 muajve.

“Fitch” argumentoi se ndryshimi në perspektivën e ekonomisë franceze u shkaktua si pasojë e rreziqeve që vijnë nga kriza e Eurozonës, ndaj të cilës bankat e vendit janë veçanërisht të ekspozuara. Borxhi prej 80% i Prodhimit të Brendshëm Bruto ishte gjithashtu një arsye.