Francë, Gjykata Kushtetuese “rrëzon” Hollande: Jo taksës 75% për të pasurit

Gjykata Kushtetuese franceze ka rrëzuar idenë e taksimit me 75 për qind për ata që kanë të ardhura vjetore më shumë se 1 milion euro. Kjo ishte një masë financiare që më parë ishte aprovuar nga qeveria socialiste e Francois Hollande. 

Më shumë simbolike se sa efikase, taksa mbi të pasurit, që ka provokuar jo pak eksode fiskale, më e fundit ishte ajo e aktorit e famë ndërkombëtare Zherard Depardjë, përfshinte rreth 1500 persona. Të gjithë këta përbënin një mesatare prej nga 140 mijë euro secili, të taksës për tu paguar. 

Por gjykata kushtetuese vendimin e saj e ka justifikuar me faktin se një gjë e tillë bie ndesh me barazinë ndërmjet njerëzve, sepse është llogaritur për persona fizikë, në kundërshtim me të ardhurat që llogariten sipas të ardhurave familjare.