France hetime te imtesishme per vrasjet

Personi që vrau 4 persona në një shkollë hebraike në Tuluz të Francës kishte një kamera të vendosur në qafë dhe mund të ketë filmuar të gjithë skenën e vrasjes, ka deklaruar Ministri i Brendshëm francez.

Klod Guo tha se kamera është një prej çelsave që do të ndihmojë policinë të ndërtojë profilin e autorit, ndërsa janë intensifikuar kontrollet e policisë që janë vënë në ndjekje të autorit të krimit.

Policia e lidh ngjarjen me vrasjen e 3 ushtarëve javën e kaluar, ku e njëjta armë dhe i njëjti motor është përdorur në të dyja ngjarjet.

Policia ka thënë se nuk ka një motiv të qartë në të dyja ngjarjet, por një fakt i pashmangshëm është që viktimat janë hebrenj, njerëz me ngjyrë apo me origjinë afrikane.

Është hera e parë në historinë e Francës që shpallet alarmi për terrorizmin.

Rreth 250 hetues po punojnë në 2 pista, që janë motivi islamik dhe veprimi i të djathtës ekstreme.

Mijëra persona marshuan në rrugët e Parisit për të kujtuar viktimat. Me një minutë heshtje u përkujtuan katër viktimat që humbën jetën  një dite më parë mes tyre tre fëmijë.