Frika, adoleshentet me dhembe te prishur

Nje studim i kryer ne shkollat e kryeqytetit ka treguar se 27 per qind e adoleshenteve kane probleme me dhembet, kryesisht me mungesen e tyre, si pasoje e heqjes. Dhe kjo per shkak te frikes qe kane per mjekimin dhe kontrollet qe mund te behen tek dentisti. Specialistet e shendetit dentar te Autoritetit Shendetesor Rajonal te Tiranes, pas nje studimi te kryer ne dy shkolla te Tiranes mbi kete dukuri, rekomandojne per kete mjekimin e perhershem te te gjitha patologjive te dhembeve. "Meqenese edukimi shendetesor neper shkolla mbulon vetem nje pjese shume te kufizuar te popullsise, nevojitet shtrirja e tij. Kjo sepse ne pjesen me te madhe te rasteve vendos per fatin e gojes dhe te dhembeve te femijeve dhe adoleshenteve" rekomandojne specialistet. Ata keshillojne mjeket e shkollave, si te vetmit qe kane mundesi te gjere bashkepunimi me nxenesit e moshave te ndryshme, te shtojne punen e tyre per te luftuar friken dentare tek femijet, si nje nder shkaqet e patologjive te ndryshme. Te dhenat e studimit tregojne se mungesa e dhembeve ne popullaten tone rezulton te jete 27 per qind. Nder ta, 30 per qind te vajzat dhe 21 per qind te djemte. Megjithate, sipas studimit, ne grupmoshen e adoleshences kjo mungese nuk varet nga parametra te tille si gjinia dhe mosha. Shkaqe madhore te heqjes se dhembeve tek adoleshentet vazhdojne te jene nderlikimet e procesit karioz, ne 91.8 per qind. Sipas specialisteve, pavaresisht fushatave te ndryshme qe jane ndermarre problemet dhe edukata dentare te shqiptaret sidomos te moshat e reja, vazhdon te mbetet problem.