Fullani: 2012-ta e veshtire, por me rritje ekonomike Eglantina Nasi
Edhe pse 2012-ta ishte nje vit i veshtire per ekonomine shqiptare fale efekteve negative te krizes ekonomike te Eurozones, Shqiperia ka shenuar ecuri pozitive, ndonese nen potencial. Ky ka qene vleresimi kryesor qe ka dhene per ekonomine vendase gjate vitit te kaluar, Guvernatori i Bankes se Shqiperise, Ardian Fullani,, dje para deputeteve te komisionit parlamentar te Ekonomise. Duke kryer prezantimin e raportit vjetor te BSH-se, ai shtoi gjithashtu se pavaresisht veshtiresive qe jane hasur, nuk eshte cenuar aspak stabiliteti makro-ekonomik i vendit. “Te dhenat zyrtare tregojne se rritja ekonomike ne vitin 2012 mbeti ne nivele pozitive. Cmimet e konsumit kane qene te qendrueshme, sikurse shprehet nga nje nivel mesatar inflacioni prej 2% gjate vitit. Po keshtu, shendeti i sistemit financiar, ne nivel makro e mikro-ekonomik, eshte permiresuar”, pohoi ai. Me tej, kreu i BSH-se vuri ne dukje se keto dy objektiva madhore jane arritur pavaresisht ambientit te pafavorshem te brendshem e te jashtem, si dhe goditjeve qe ka pesuar ekonomia shqiptare gjate kesaj periudhe. Ku mes ketyre te fundit, ai ka permendur dobesite e partnereve tane tregtare e financiare; kerkesen e dobet te brendshme; motin e keq te tremujorit te pare si edhe reagimin e sistemit bankar ndaj masave te reja dhe me te shtrenguara rregullatore te Autoritetit Evropian te Mbikeqyrjes. “Efekti direkt i kesaj goditjeje ne tregjet financiare dhe vecanerisht ne ate te letrave me vlere te qeverise, perafrohet rreth nivelit 2% te PBB-se”, theksoi Fullani, duke shtuar se kjo manifestoi edhe nje renie te metejshme te kreditimit pergjate vitit. Nga ana e tyre, deputetet e opozites e kane kundershtuar kete raportim te tij duke pohuar se ulja e ritmit te rritjes ekonomike nuk ka ardhur ne fakt vetem nga efektet negative te Eurozones, sipas tyre, edhe nga keqqeverisja. “Ju doni t’ia faturoni krizes renien ekonomike, por une mendoj se arsyeja kryesore eshte keqqeverisja”, mesohet te jete shprehur deputeti socialist, Arben Malaj. Ndersa kreu i komisionit, Edmond Spaho, iu kunderpergjigj, duke thene se eshte fakt qe Shqiperia pati rritje ekonomike, kur shume vende te tjera shenuan ulje. Ndersa ne lidhje me problematiken e kredive me probleme, e cila eshte shoqeruar me debate ne komisionin parlamentar te Ekonomise, kreu i Bankes se Shqiperise, kerkoi miratimin sa me shpejt te paketes se masave te propozuara prej ketij institucioni, e cila nder te tjera, sipas tij, synon permiresimin e procedurave te ekzekutimit te kolateralit. Sipas Fullanit, eficienca ne sistemin e ketyre ekzekutimeve, eshte e rendesishme per te garantuar kreditimin e ekonomise, shendetin afatgjate te sistemit bankar dhe sigurine e kursimeve te shqiptareve.