Fullani: Sektori bankar, ndihme ekonomise kunder krizes Eglantina Nasi
Bankat qe operojne ne vendin tone kane kontribuar pozitivisht gjate ketij viti qe po mbyllet, ne zhvillimin e ekonomise shqiptare. Ky ka qene vleresimi i bere nga Guvernatori i Bankes se Shqiperise, Ardian Fullani, gjate takimit te fundvitit te organizuar nga Shoqata e Bankave. Sipas tij, nje gje e tille eshte realizuar permes procesit te kreditimit, i cili rezulton ende pozitiv, megjithe ekzistencen e nje portofoli te kredive te keqija. Ne kete kuader, ai i ka kerkuar sistemit bankar qe ta vijoje procesin e kreditimit, duke e vleresuar ate si mjaft mbeshtetes per ekonomine tone. "Nje veprim i tille duhet te mbeshtetet jo vetem ne pervojen e deritanishme te suksesshme, por edhe ne nje logjike ekonomike, ne kushtet kur jane te pakta vendet e rajonit qe kane ruajtur nje rritje ekonomike pozitive", u shpreh Fullani. Me tej, ai e ka konsideruar si mjaft te rendesishem faktin qe sektori yne bankar, te shfrytezoje dhe te mbeshtese kete tipar te tij pozitiv, duke iu ofruar atyre plotesimin e qendrueshem te nevojave per financim dhe per sherbime te tjera. Ndersa me tej, duke dashur te beje nje vleresim te pergjithshem per sektorin tone bankar, kreu i BSH-se tha se bankat qe operojne brenda tij, po mbyllin nje vit te suksesshem. Por nderkaq, ai nuk harroi qe t'u beje thirrje atyre per te shfrytezuar flekesibilitetin qe ka shfaqur ekonomia shqiptare ndaj krizes financiare, efektet e se ciles tashme jane ndier hapur ne te gjithe rajonin. Lidhur me kete problematike, ai nuk harroi as te nenvizonte faktin se mjedisi ekonomik, edhe gjate vitit te ardhshem, do te jete sfidues. "Prandaj, bankat duhet te persosin aftesite e tyre per te testuar qendrueshmerine ndaj skenareve te rrezikut", u shpreh kreu i BSH-se per kete. Ndersa ne lidhje me rolin e Bankes se Shqiperise per mbikeqyrjen e aktivitetit te sektorit bankar ne teresi ne vendin tone, Fullani u shpreh se ky institucion, edhe gjate vitit te ardhshem, do te vazhdoje te permiresoje kuadrin rregullator dhe praktikat mbikeqyrese, sipas tij, duke pasur si qellim respektimin rigoroz nga bankat te kerkesave per kapitalizim dhe likuiditet.