Furgoni përplas kalimtaren, vdes 70-vjeçarja

Një 70-vjeçare ka humbur jetën tragjikisht mbrëmjen e sotme në aksin e vjetër Lezhë-Laç.

Sipas burimeve të policisë të cilët ndodhen në vendin e ngjarjes, mësohet se e moshuara është aksidentuar nga një furgon.

Vila Ndoj nuk ka mundur ti rezistojë plagëve të rënda dhe ka vdekur menjëherë pas përplasjes.

Mësohet se drejtuesi i mjetit është shoqëruar në komisariatin e policisë.