Fushata, ndergjegjesim popullates per semundjet e zemres
Parandalimi i semundjeve te zemres do te jete ne qender te reformes se nisur nga Instituti i Shendetit Publik. Duke pasur parasysh se keto semundje shkaktojne edhe numrin me te madh te vdekjeve ne vend, reforma ne fjale do te kete si qellim sensibilizimin e popullates per te shtuar kontrollet mjekesore, ne menyre qe t'i parandaloje ato. Nese sot numerohen mesatarisht 7 vizita te kryera nga nje mjek, kjo shifer duhet te rritet deri ne 15, pra te dyfishohet. Nderkohe qe, ne krahasim me vendet e tjera te Evropes Perendimore, kjo shifer vazhdon te mbetet e vogel, pasi kontrollet ditore mjekesore arrijne ne 30 vizita ne dite. "Kontrollet paraprake dhe depistimi i popullsise do te ishte menyra me e mire per parandalimin e semundjeve koronare te zemres. Kjo pune duhet te behet nga mjeket e familjes, te cilet duhet te vleresojne te gjithe faktoret qe ndikojne ne shfaqjen e ketyre problemeve. Nderkohe qe formulat e dhena, duke marre edhe informacionin te pacienti, nxjerrin riskun e prekjes", deklaroi dje drejtori i Institutit te Shendetit Publik, Alban Ylli. Sipas tij, depistimi kete vit do te filloje ne qendrat shendetesore, ndersa gjate vitit ne vazhdim ai do te shtrihet edhe ne shkolla dhe ne institucione te tjera shendetesore.
Mjeket duhet te vleresojne edhe faktoret kryesore, te cilet ndikojne ne shfaqjen e semundjeve te zemres. Sipas drejtorit te ISHP-se, eshte bere nje ndarje e faktoreve te rendesishem dhe atyre te vegjel. "Faktore te cilet ne i kemi quajtur madhore dhe qe sjellin semundje te zemres jane diabeti, duhanpirja, hipertensioni, hiperkolesterolemia, obeziteti, alkooli dhe trashegimia familjare e semundjeve te zemres", theksoi Ylli. Ndersa ne faktoret e vegjel jane problemet e menopauzes te femrat, apo ato hormonale te meshkujt. Po keshtu, faktore te tjere jane edhe stresi, jeta sedentare, si dhe pulsi i larte ne gjendje qetesie. Te gjithe keta faktore duhet te vleresohen nga mjeket gjate konsultave qe kryejne me pacientet dhe te shohin se sa te rrezikuar jane. Me pas, do te jene mjeket specialiste, ata qe do te merren me trajtimin e ketyre rasteve.