Mjeket: Infermieret jane te paafte
Sonila Isaku
"Infermieret, qe punojne ne qendrat shendetesore, jane te paafte". Ky eshte vleresimi i dhene nga mjeket per vartesit e tyre ne qendrat shendetesore te vendit, gjate nje studim-testimi qe realizoi kohet e fundit Instituti i Shendetit Publik. Studimi i kryer gjate vitit te kaluar ka konstatuar se, pervec numrit te paket te infermiereve, ka edhe nje nivel te dobet arsimor dhe profesional te tyre. Kjo shkon deri aty sa shpeshhere mjeket dhe infermieret nuk mund te gjejne nje gjuhe te perbashket per te bashkepunuar. Te dhenat e ketij studimi jane bere publike dje nga vete drejtori i Institutit te Shendetit Publik, Alban Ylli, i cili ka kerkuar ndihmen e mjekeve per depistimin e popullsise per parandalimin e semundjeve te zemres. "Ne kemi menduar qe kete program per parandalimin e semundjeve kardiovaskulare ta shtrijme ne te gjithe vendin dhe ketu nje rol te rendesishem kane edhe infermieret. Por, problemi qendron se kemi nje nivel te dobet te tyre, fakt ky i pohuar nga mjeket si dhe mos deshire te bashkepunimit mes dy paleve", deklaroi drejtori i ISHP-se, Alban Ylli. Sipas tij, nese infermieret do te ishin ne nivelet e duhura profesionale mund te kryenin pjese te depistimit, duke filluar nga menyra e te ushqyerit te pacientit, pyetje mbi aktivitetin fizik etj. Programi parashikon qe mjeket, te cilet kane nje nivel me te larte profesional, te merren me detyra me te komplikuara me pacientin.
Pervec infermiereve te paafte, nje tjeter problem eshte mos shfrytezimi i sherbimit shendetesor. Ky shfrytezim i ulet sjell edhe nje cilesi te dobet te sherbimit dhe produktiviteti i mjekut eshte i ulet, per vete faktin se popullata nuk e perdor sherbimin shendetesor. "Duke pare keto probleme per mos shfrytezimin e sherbimit shendetesor, jane marre masa nga Ministria e Shendetesise per fuqizimin e laboratoreve", ka theksuar Ylli. Sipas tij, ky fuqizim i sherbimit shendetesor eshte shume i rendesishem, pasi pacienti nuk zgjedh per kurim dhe depistim nje qender shendetesore shteterore, por ate private. Mjekeve u eshte ngarkuar nje tjeter detyre per rritjen e cilesise se sherbimit dhe eshte pikerisht komunikimi i gjate me pacientin. "Keshillat nuk duhet te jepen ne formen e nje batute, kur pacienti eshte ne ikje, por me te duhet te punohet per nje kohe te gjate. E rendesishme eshte qe te degjohen shume edhe shqetesimet dhe problemet qe pacienti shfaq", ka nenvizuar kreu i Institutit te Shendetit Publik. Sipas tij, gjuha e perdorur me pacientin duhet te jete e kuptueshme.
Diploma, kusht punesimi per infermieret
Diploma e shkolles se larte do te jete nje nga kriteret kryesore per punesimin e infermiereve dhe ndihmes mjekeve. Sipas urdhrit te Ministrise se Shendetesise, diploma e shkolle se larte do te jete nje nga standardet kryesore per punesimin e personelit mjekesor. Nderkohe, pervec diplomes, infermiereve do u merren parasysh edhe kualifikimet qe kane kryer si jashte ashtu edhe ne vend. Nje nga kriteret e tjera per punesim do te jete edhe gjuha e huaj, si dhe nota mesatare e mbarimit te fakultetit.
Nderkohe infermieret e vjeter, te cilet kane perfunduar kurset 2-vjecare apo 9-mujore do te vazhdojne te punojne. Por infermiere te cilet kane keto vite shkollimi dhe formimi nese aktualisht jane pa pune dhe kerkojne te punesohen nuk e kane kete mundesi. Sipas nje vendimi te marre nga Ministria e Shendetesise, pas hapjes se shkolles se larte te infermierise ne vitin '96, pas ketij viti nuk mund te punesohen infermiere qe nuk kane arsimin perkates.