Fyle: Do financojme reformat ne Shqiperi Eglantina Nasi

Komisioneri per Zgjerimin, Stefan Fyle deklaroi dje se Bashkimin Europian do te financoje reformat ne vendet e Ballkanit Perendimor. Plot 82 milione euro eshte fondi i parashikuar nga Bashkimi Evropian per t'u investuar ne Shqiperi, me qellimin e nxitjes se reformave qe i sherbejne procesit te integrimit. Nje shifer te tille e ka bere dje publikisht me dije komisioneri Evropian per Zgjerimin, Stefan Fyle, ne kuadrin e programit total te ndihmes se Brukselit zyrtar per vendet e Ballkanit Perendimor, por edhe Turqine dhe Islanden, e cila kap shifren prej nje miliard eurosh. "Bashkimi Evropian, gati per te investuar gati nje miliard euro per te nxitur reformat ne keto vende", beri me dije Fyle. Ndersa ka deklaruar, ne vecanti per Shqiperine, se fondi i ndihmes prej 82 milione eurosh do te shkoje per reformen ne drejtesi, punet e brendshme dhe te drejtat themelore, reformen e administrates publike, transportin, mjedisin, ndryshimet klimatike, zhvillimin social, bujqesine dhe zhvillimin rural. Ky financim, sipas tij, qe realizohet permes nje serie programesh ndihme, sherben per te mbeshtetur reformat ne vendin tone, i cili deshiron te bashkohet me Bashkimin Evropian. Si pjese e fondit total prej nje miliard eurosh, fondi per Shqiperine, i programuar ne buxhetin 2011, do te jete ne dispozicion permes Instrumentit te Ndihmes se Para-Aderimit (IPA). "Te gjitha keto programe ndihme jane hartuar per te arritur rezultate konkrete ne drejtim te administrimit te mire publike, nje sistemi gjyqesor me efikas, si edhe zbatimit te ligjit, apo nje ekonomie te qendrueshme e nje mjedisi te sigurt", tha komisioneri Fyle. Duke shtuar se keto fonde jane te bazuara ne prioritetet e percaktuara nga BE-ja dhe jane projektuar se bashku me qeverite e interesuara, aktoret lokale dhe donatore te tjere. Sa i perket raportit te ndarjes se fondeve, Turqia me 232.9 milione euro ze vendin e pare ne kete grupim. Duke u pasuar nga Serbia, e cila perfiton nga BE-ja nje shume prej 178.5 milione eurosh, te parashikuara per forcimin e sundimit te ligjit dhe administraten publike, etj. Pas saj, renditet Bosnja dhe Hercegovina, me shumen e ndihmes prej 91.2 milione eurosh, qe do te shkojne per reformen e administrates publike, drejtesine dhe punet e brendshme, etj. Kosova eshte shteti qe gjithashtu perfiton nje shume te madhe financimi nga Bashkimi Evropian, plot 62.9 milione euro, te cilat do te perdoren per drejtesine, punet e brendshme e te drejtat themelore, sektorin privat, zhvillimin ekonomik dhe administraten publike. Ndersa me pak perfiton Kroacia, e cila sapo eshte anetaresuar ne BE, 39.1 milione euro qe, sipas Fyles, sherbejne per forcimin e pergjithshem administrativ, i rendesishem ky per periudhen e pas-pranimit ne BE. E ne fund, respektivisht me shumat e ndihmes prej 28.9 milione eurosh dhe 26.4 milione eurosh, renditen Maqedonia dhe Mali i Zi, si dy vendet e fundit perfituese ne listen e atyre qe aspirojne integrimin ne Bashkimin Evropian. Nderkaq, 210.3 milione euro te tjera, gjithmone brenda fondit total prej nje miliard eurosh, jane programuar per zhvillimin e infrastruktures, bashkepunimin statistikor, bashkepunimin rajonal ne tregti, Zyra e Perfaqesuesit te Larte (OHR) ne Bosnje (BE kontribut 53%), Zyra Civile Nderkombetare (ICO) ne Kosove (BE kontribut 50%), programi i Bashkepunimit Nderkufitar Kosove-Mali i Zi, etj.