"Kater oret e bisedes telefonike me Edi Ramen"

Deputeti Kastriot Islami e cilesoi vendimin per perjashtimin nga Grupi Parlamentar si nje njolle te zeze per Partine Socialiste dhe si nje vendim te tipit stalinist. "Kjo ngjarje do te mbetet ne historine e politikes shqiptare, si nje njolle e zeze per PS-ne. Kete mos e harroni. Nje ngjarje per te denuar me dyer te mbyllura dhe ne mungese, nje vendimmarrje qe do te etiketohet si staliniste", deklaroi dje Islami, ne konferencen e dhene per media, gjate kohes qe grupi i deputeteve te PS-se merrte vendimin per perjashtimin e tij. Nderkohe qe gjate nje interviste dhene per televizionin "Klan" ne emisionin "Opinion" ka theksuar se rregullorja e Grupit te PS, ka ndryshuar duke vendosur kushte hermetike. Islami tha dje ne emisionin "Opinion" se kreu i PS-se ka kerkuar qe deputetet te mos dalin me ne media pa leje, duke vene rregulla qe PS nuk i ka pasur me pare. "Ne Rregulloren e Grupi eshte bere qe duhet te shkosh patjeter dhe duhet te votosh sic eshte vendimi politike dhe fundit, qe ka dale sot ne mbledhje te Grupit, eshte qe nuk duhet te dalesh te flasesh ne media qeveritare pa lejen e grupit. Kjo nuk eshte e shkruar, por interpretohet ne Rregullore, pasi ka pasur nje shqetesim nga ana e z. Rama dhe u ka thene te tjereve qe; me gjeni nje menyre per komunikimin etik me median", tha Islami. Islami paraqiti argumentet qe kane sjelle konfliktin e tij me kreun e PS-se, ndersa ka shtuar se nje vit me pare, Rama i kerkonte te qendronte ne PS. Islami ka permendur dhe nje bisede telefonike, rreth kater ore, qe ka bere nje vit me pare me Ramen, ku ky i fundit deklaron se Islami nuk do te largohej nga partia per shkakun e tij. "Rama kerkon ne mbledhjen e pare te Kryesise se re 'cregjistrimin tim nga grupi i PS-se'. Me shume se keqardhje. Trishtimi i madh...sepse pikerisht nje vit me pare, ne nje bisede telefonike nga Tirana ne Vlore, me thoshte se "ti nuk mund te ikesh nga PS-ja per shkakun tim", pasi kishte degjuar nje thashetheme, sikur une do te vetelargohesha, gje qe nuk me ka shkuar ndermend asnjehere. Dhe une po perjashtohem nga vete ai, per shkakun e tij", u shpreh dje Islami gjate fjales se mbajtur pas perjashtimit ne Kryesine e Kuvendit. Deputeti Islami ka permendur dhe pjesen me te madhe te qendrimeve te tij, kunder bojkotit, greves se urise dhe votimit te ligjeve me 3/5-at. Ai u shpreh se sot, PS-ja po i zbaton keto qendrime, ndersa ate vete e perjashton. Deputeti Islami tha dje se perballja me Edi Ramen nuk eshte ceshtje personale, por konflikti mes dy filozofive. "Kjo eshte ceshtje e ballafaqimit te dy filozofive te ndryshme te drejtimit te PS-se, te sjelljes se PS-se, te veprimeve te PS-se; asaj qe mbeshtes une, ne funksion te fitimit te se majtes se bashkuar, ne te gjithe ballafaqimet elektorale te deritanishme e sidomos, ate te radhes ne vitin 2013, ne funksion te ndertimit te nje mireqeverisjeje dhe shteti ligjor funksional dhe mbi te gjitha, ne funksion te pershpejtimit te integrimit te vendit ne BE dhe te gjitha keto, vetem e vetem ne funksion te interesit publik dhe filozofise se vjeter te Rames per te drejtuar ne menyre personale dhe autoritare", u shpreh dje Islami. Ne deklaraten e tij, deputeti Islami ka permendur dhe qendrimin e disa deputeteve te rinj, duke theksuar se ata qe ngelin ne klase nuk mund te perjashtojne nje profesor. "Nuk ka nxenes ne kete vend, as ata qe ngelin ne klase, ta besojne se ju po perjashtoni per disipline Prof. Kastriot Islamin, te gjithe do qeshin. Une nuk do te kisha bere kurre dhe do te isha larguar. se bashku me ate qe do te perjashtohej nga PS-ja, po te bente Edi Rama te njejten gje me nje koleg tjeter timin", tha ai.