Fyle: Shqiperia ka bere progres te rendesishem

Komisioneri per Zgjerimin ne Bashkimin Evropian, vlereson progresin qe ka bere Shqiperia per permbushjen e rekomandimeve per marrjen e statusit te vendit kandidat. Ne nje leter derguar Senatit francez, Fyle shprehet se gjate vitit te fundit Shqiperia ka bere perparime te rendesishme. Komisioneri vlereson se marrja e statusit te vendit kandidat duhet te shoqerohet dhe me plotesimin e nje sere kushteve. "Shqiperia ka bere perparim te rendesishem gjate vitit te kaluar, sidomos me marreveshjen nder-partiake per procesin e reformave te Bashkimit Evropian, si dhe dergimin ne nje numer te reformave substanciale ne fushat e mbuluara nga prioritetet kyce te Opinionit te Komisionit", thuhet ne letren qe Komisoneri i KE i dergon Senatit francez, ku e informon per zhvillimet ne rajon, ne kuader te procesit te anetaresimit te vendeve ne Bashkimin Evropian. Me tej, duke folur per Shqiperine, Fyle shprehet se do te propozohet hapja e negociatave per anetaresim ne momentin qe klasa politike do te realizoje reformat dhe prioritetet kryesore, duke perfshire edhe ne fushat e sundimit te ligjit, reformen e administrates publike dhe te drejtat themelore". Nga ana tjeter, Fyle shprehet se vendit i duhen dhene shanse per perspektiven evropiane. "Mbajtja e Shqiperise ankoruar ne perspektiven evropiane, mund te luajne nje rol te rendesishem ne konsolidimin e stabilitetit te saj politik dhe per sigurimin e vazhdimesise se reformave", shprehet Fyle. Ne sqarimin e tij per Senatin francez, Fyle komenton dhe zhvillimet e tjera ne procesin e integrimit. Sipas tij, procesi i zgjerimit nuk duhet te ndalet duke u dhene vendeve te rajonit mundesine, qe te jene pjese e Bashkimit Evropian.