G99: Shteti s'po trajton si duhet pensionistet

Ne vazhden e degjesave publike, G99 organizoi dje nje takim per te sjelle ne vemendje publike shqetesimet dhe reflektimet e atyre qe me shume nga te gjithe kane kontribuar me punen e tyre per kete vend dhe qe sot lihen ne harrese te pajustifikueshme. Eksperte te fushave te mbrojtjes sociale, shendetesise dhe ekonomise nga G99 degjuan nga Federata e Sindikatave te Pensionisteve nje seri problemesh qe kane te bejne specifikisht me moshen e tyre dhe perkujdesjen, per te cilen ata kane nevoje, por edhe me probleme me te gjera sociale si varferia dhe papunesia. Takimi u hap nga perfaqesuesi i G99, Erion Veliaj, i cili garantoi pensionistet se mund te numerojne dhe G99 perkrah tyre ne kauzen e permiresimit te standardit te tyre te jeteses. Ky shtet, theksoi Veliaj, nuk ofron as respekt per te moshuarit dhe as perspektive per me te rinjte. Kryetari i Federates, Isa Gorica, tha se pensionistet shqiptare nga ndryshimi i sistemit kane fituar vetem lirine politike, por jo te tjerat qe jane po aq te domosdoshme. Gorica shpjegoi se problemet ekonomike te pensionisteve jane renduar akoma me shume nga rritja e cmimeve dhe se masat e qeverise jane krejtesisht te pamjaftueshme per te kompensuar inflacionin. Pensionistet sugjeruan qe shteti te konsideroje pasurimin e fondit te pensioneve me nje perqindje te te ardhurave nga privatizimi i aseteve te medha publike si ARMO. Nje nga problemet me te ndjeshme te ngritura ishin dhe cilesia mjaft e dobet e barnave te rimbursuara nga shteti, te cilat mund te behen rrezik per shendetin e tyre. "Nese shteti shqiptar ka shume arsye per t'ju skuqur faqja kur vjen puna te trajtimi qe ju ka bere pensionisteve atij duhet t'i nxihet fare", tha mjeku dhe aktivisti i G99, Eduard Hashorva.