Gaddafi: Mos festoni!

Ish-udhëheqësi i Libisë, Muamar Gaddafi, u rishfaq përmes një audio porosie.

Ai paralajmëroi kundërshtarët se mbrojtja e NATO-s nuk do të vazhdojë pafundësisht.

“Sistemi politik në Libi është i bazuar mbi pushtetin e popullit. Është e pamundur që sistemi të bjerë”, tha ai. “Mos festoni dhe mos besoni se një regjim u rrezua dhe një tjetër u ngrit me ndihmën e sulmeve ajrore”, shtoi ai.

Kjo është porosia e tretë i kolonelit, prej muajit gusht, kur kryengritësit hynë në Tripoli.

Vendndodhja e tij nuk dihet ende, dhe as koha e regjistrimit të kësaj porosie.