Galiani: Gatuzo qëndron te Milani

Adriano Galiani i ka dhënë fund çështjes "Gatuzo". Lojtari duket i pakënaqur për aktivizimin e paktë te Milani i Leonardos dhe po mendon seriozisht largimin. Çelsi dhe Mançester Siti në Angli janë kandidatet kryesore, por numri 2 i kuqezinjve tha: "Nuk do të hymë në merkato. Mendoj se ‘Ringio‘ do të qëndrojë, kjo është ajo që shpresoj unë personalisht, por edhe klubi. Është normale që lojtarët të vuajnë duke mos luajtur, por trajneri ka shumë lojtarë në dispozicion, për të përballur sa më mirë ndeshjet e shumta të sezonit" .