Gara e MotoGP, humb jetën Simoncelli
Gara e MotoGP në Malajzi është shndërruar në tragjedi paraditen e sotme. Piloti Marco Simoncelli është aksidentuar rëndë në xhiron e dytë të garës dhe ka ndërruar jetë akoma pa mbërritur në spital.
Në pamjet live të garës u pa sesi Simoncelli u rrëzua në pistë, ku më pas Colin Eduards ka kaluar me mottorin e tij, duke e plagosur në qafë. 24-vjeçari Italian ka humbur jetën rrugës për në spital. Simoncelli garonte në moto GP për Hondën.