Gardistët, marrëveshje e prishur Berisha-Ina Rama
Berisha e ka sulmuar jo pak këto ditë zonjën Rama, duke e akuzuar atë si pjesë e puçit ndaj shtetit. Pika më e “dobët” midis tyre ishte ajo e 6 gardistëve, për të cilët prokuroria lëshoi një urdhër-arresti pak orë pas demonstratës së dhunshme të 21 janarit.
Mësohet se gjatë së mërkurës por edhe në ditët e tjera, me ndërmjetësimin e diplomatëve në Tiranë, janë zhvilluar negociata për të mos ekzekutuar urdhër-arrestet ndaj gjashtë gardistëve, por vetëm që ata të merreshin në pyetje nga pesë prokurorët e çështjes. Pas deklarimeve, gardistët do të liheshin të lirë.
Megjithatë, e gjitha përpjekja nuk shkoi mirë, pasi marrëveshja është prishur në minutën e fundit. Kryeministri Sali Berisha e ka një fajtor për këtë dhe ajo është kryeprokurorja Rama, ndërsa kjo e fundit e “veshur” me petkun e prokurores ka heshtur prej ditësh.
“Pas një angazhimi shumë të fortë, arritëm një marrëveshje, që secili nga oficerët e Gardës të paraqitej para prokurorit ku do të bëhej deklarata dhe të anulohej urdhër-arresti. Por kjo marrëveshje u prish nga urdhri që mori zonja Rama, duke faktuar se ajo nuk respekton asnjë normë dhe standardë”, ka deklaruar Berisha. /S.Lleshi/Start/
2011-01-29 09:33
Mësohet se gjatë së mërkurës por edhe në ditët e tjera, me ndërmjetësimin e diplomatëve në Tiranë, janë zhvilluar negociata për të mos ekzekutuar urdhër-arrestet ndaj gjashtë gardistëve, por vetëm që ata të merreshin në pyetje nga pesë prokurorët e çështjes. Pas deklarimeve, gardistët do të liheshin të lirë.
Megjithatë, e gjitha përpjekja nuk shkoi mirë, pasi marrëveshja është prishur në minutën e fundit. Kryeministri Sali Berisha e ka një fajtor për këtë dhe ajo është kryeprokurorja Rama, ndërsa kjo e fundit e “veshur” me petkun e prokurores ka heshtur prej ditësh.
“Pas një angazhimi shumë të fortë, arritëm një marrëveshje, që secili nga oficerët e Gardës të paraqitej para prokurorit ku do të bëhej deklarata dhe të anulohej urdhër-arresti. Por kjo marrëveshje u prish nga urdhri që mori zonja Rama, duke faktuar se ajo nuk respekton asnjë normë dhe standardë”, ka deklaruar Berisha. /S.Lleshi/Start/
2011-01-29 09:33