Gati lista e shpenzimeve me 110 milionë eurot e Sitit

Me shitjen e Kakasë, arkave të Milanit do t‘u shtohen 110 milionë euro, me të cilat drejtuesit kuqezi synojnë t‘i ndryshojnë "llok"-un skuadrës. Plani i klubit është fare i thjeshtë: të gjejnë lojtarët që i shërbejnë skuadrës, të marrin valixhen e mbushur me para dhe të trokasin në dyert e klubeve të ndryshëm. Do të ishte e pavend që shifra e përfituar nga shitja e një lojtari të investohej përsëri vetëm për një yll. Për më tepër, që Milanit i nevojitet të përforcohet në reparte të ndryshme, mbi të gjitha në mbrojtje. Përveç Tiago Silvës në qendër, kërkohet edhe Aleks: 26-vjeçari i Çelsit është alternativa e preferuar dhe kushton 10 milionë euro. Synohet edhe një mbrojtës i majtë në vend të Jankulovskit, ku është menduar Klishi i Arsenalit. Kartoni i 23-vjeçarit kushton 15 milionë euro. Preferenca për mesfushën është Esien i Çelsit, ndërsa ëndrra për sulmin mbetet Adebajor. Bisedimet për secilin prej tyre fillojnë nga 35 milionë euro. Shpenzimet në total kapin shifrën 95 milionë euro, mbeten edhe 15 milionë...