Gatuzo: Do të na quajnë "kalorës të turpit"

Duke bërë një krahasim me botërorin e para katër viteve, futbollisti i Milanit u shpreh: “Kur u shpallëm kampionë, të gjithë na cilësuan kalorës të punës. Kurse tani do të na quajnë kalorës të turpit dhe është e drejtë ta bëjnë këtë. Futbolli italian duhet t’i bëjë një kontroll ndërgjegjes së vet. Sot (dje) prekëm fundin”.

Për Gatuzon, përgjegjësia është e të gjithëve: “Secili duhet të mbajë përgjegjësitë e veta. Shpresoj që trajneri i ri të formojë një grup të mirë dhe të ndërtojë një ekip konkurrues. Ishte ndeshja ime e fundit me kombëtaren dhe kurrë nuk e kisha imagjinuar kaq keq”.