Gazetaret kunder qeverise: Njollosi Tanin e Topit

Thellohet debati per faktin e publikimit te emrit te viktimes se dyte ne aksidentin ku gjeti vdekjen presidenti i Top Medias, Dritan Hoxha. Reagimet kane ardhur pas deklarates se zedhenesit te Partise Demokratike, Gerti Bogdani qe kritikoi fshehjen e emrit te vajzes se aksidentuar, Entela Hyskos, duke e cilesuar si nje akt jo njerezor nga ana e kompanise Top Media. Ndersa dje dhjetera gazetare kane bere nje deklarate per sulmet ndaj medias, duke fajesuar kryeministrin shqiptar Sali Berisha. Ne nje konference per shtyp te dhene per mediat zedhenesi i PD-se Gerti Bogdani ka deklaruar se mediat kane dhene nje informacion te njeanshem ne paraqitjen e lajmit per vdekjen e presidentit te Top Medias Dritan Hoxha. Bogdani u shpreh se 'media nuk tregoi respekt per vdekjen e Entela Hyskos, vajzes qe udhetonte me Dritanin naten e aksidentit'. PD-ja akuzoi ne menyre te vecante mediat qe erresuan informacionin. Me pas partia blu i ka shprehur ngushellime familjes se Entela Hyskos, duke thene se gabimi i vetem i saj eshte qe hodhi kemben ne makinen e Dritan Hoxhes. Kurse grupi i gazetareve ne deklaraten e firmosur dje nenshkruante se, "nuk jemi ne ata qe fshehin krimet. Por Berisha perdori vdekjen e nje vajze ne menyre barbare, per te sulmuar mediat. Me kete rast kryeministri tejkaloi cdo standard njerezor. Berisha ka poshteruar kete vdekje tragjike duke e perdorur per interesa personale. Kryeministri na ka shpallur lufte dhe ne do perballemi me betejen per fjalen e lire. Ata qe mbrojne krimet jane ne pushtet", pohon nje pjese e deklarates. Kete deklarate e kane firmosur, Ilir Babaramo, Anila Basha, Sokol Balla, Mustafa Nano, Eni Vasili, Filip Cakuli, Alfred Peza, Pandi Gjata, Ylli Rakipi, Andi Bushati, Skender Minxhozi, Mero Baze, Andi Bejtja, Rudina Xhunga, Arben Hasani, Sokol Shameti, Henri Cili, Martin Leka, Valbona Kurti, Rezar Xhaxhi, Enton Abileka, Franko Egro, Artan Hoxha dhe Armand Shkullaku.