Gjaku i dhuruar, vetem 42 dite jete

Sonila Isaku
Gjaku qe eshte dhuruar nje jave me pare per tu ardhur ne ndihme te plagosurve te shperthimit te Gerdecit ka edhe vetem nje muaj jete. Sipas te dhenave te marra nga Qendra Kombetare e Transfuzionit te Gjakut rezulton se ky gjak mund te jete i perdorshem vetem per 42 dite, nderkohe qe kane kaluar 9 dite qe kur qytetaret u solidarizuan per te dhuruar gjak. Megjithese kjo sasi gjaku eshte duke u ruajtur ne kushtet e pershtatshme te temperatures dhe te ambientit perseri nuk mund te perdoret pas kalimit te ketij afati. "Gjaku i dhuruar ka qene ne sasi te medha, sa edhe ne vete nuk e mendonim, por problemi mbetet koha e perdorimit te tij. Ky gjak, pra qe jane afersisht 850 njesi duhet te perdoret brenda 42 diteve", deklaroi dje drejtoresha e Qendres Kombetare te Transfuzionit te Gjakut, Irena Qendro. Sipas saj, ky gjak do t'iu vihet ne dispozicion spitaleve dhe bankave te gjakut ne te gjithe vendin.
Dhurimet
Solidarizimi i shqiptareve per te dhuruar gjak, pas ndodhjes se tragjedise se Gerdecit, ka qene si kurre ndonjehere. Me apelin e bere nga bluzat e bardha per ndihme dhe dhurime gjaku, me qindra qytetare kane vrapuar drejt spitaleve. Sipas te dhenave vetem gjate dites se tragjedise edhe nje dite me pas kane rezultuar 850 dhurime, nderkohe qe numri eshte rritur edhe nga sasia e flakoneve te ardhur nga jashte vendit. "Numri i dhurimeve te bera brenda dy diteve ka qene aq i madh sa per 6 muaj fushate nga ana jone. Aktualisht jemi duke kryer analizat perfundimtare, pasi cdo dhurues eshte testuar paraprakisht, dhe kjo sasi e gjakut do te shperndahet ne spitalet qe kane nevoje per keto rezerva", u shpreh Qendro. Sipas saj, dhurimi vullnetar duhet te jete gjithmone ne menyre qe te mos te krijohen situata te tilla. "Ne vazhdojne qe te bejme apel per dhurim vullnetar te gjakut, pasi ai mbetet edhe gjaku me i sigurt. Ky dhurim duhet te jete ne cdo kohe, ne menyre qe ne te mos perballemi me situata te tilla kur ka mungese te tij, apo teprice", nenvizoi ajo.
Analizat
Flakonet me gjak te ardhura nga vendet e huaja do t'u nenshtrohen analizave dhe me pas do te perdoren tek pacientet shqiptare. Ky eshte vendimi qe kane marre drejtuesit e Qendres Kombetare te Gjakut per vete faktin e evitimit te ndonje infektimi. "Nese vendet dhuruese nuk kane mundur te kryejne analizat e gjakut, ato do te kryhen nga ana jone per te evituar problemet qe mund te lindin me pas", theksoi drejtoresha e Qendres Kombetare te Transfuzionit te Gjakut. Pervec dhurimeve vullnetare nje rol te rendesishem ka luajtur edhe Kryqi i Kuq me fushatat e veta ku edhe ne keto qendra gjaku jane shenuar nje numer i madh dhurimesh.

Te plagosurit, marrin plazme
Personat te cilet jane aksidentuar dhe plagosur gjate shperthimit te fuqishem te nje jave me pare ne gerdec, nuk kane marre gjak por plazme. Sipas te dhenave rezulton se 15 persona kane pasur nevoje per gjak, per shkak te plageve te medha te marra. Kurse pjesa me e madhe e te plagosurve kane pasur djegie dhe jo humbje te gjakut. Per kete arsye eshte perdorur vetem nje pjese e vogel e flakoneve te dhuruar si nga jashte, ashtu edhe nga dhurimet vullnetare ne vend.
SSSASS