Gjendet i mbytur në ujë një 27-vjeçar nga Memaliaj

"Shtetasi Kreshnik Saliu, 27 vjeç nga qyteti i Memaliajt u gjet rreth orës 13:15 në vendin e quajtur “Agjencia Lufti” nga Policia që kishte dy ditë që ushtronin kontroll të vazhdueshëm në brigjet e lumit Vjosë”, bëri të ditur Policia e Tepelenës.

Pas identifikimit edhe me familjarët, pas ekzaminimit u arrit në përfundimin se për 27-vjeçarin që prej disa vitesh vuante nga epilepsia (sëmundja e tokës), rezultoi fatale në humbjen e jetës. Policia lokale tha, se trupi i pajetë është gjetur 500 metra larg vendit ku u mbyt, në krahë të rrugës kombëtare Memaliaj-Ballsh.