Gjendet i mbytur peshkatari, i zhdukur i vellai

Shkoder-Dy peshkatare nga Malesia e Madhe, kane dale si cdo dite per te siguruar buken e gojes, pa marre parasysh motin e keq dhe temperaturat e ulta te ketyre diteve. Vellezerit Kurtaj, Agim dhe Kujtim, kane marre lundren e tyre dhe i jane drejtuar liqenit te Shkodres, por nuk jane kthyer me. Familjaret kane pritur me shprese se ndoshta koha e keqe, mund t'i kete penguar per t'u kthyer, por oret kane kaluar dhe me se fundi kane dhene alarmin ne polici. Ata kane denoncuar zhdukjen e dy peshkatareve, qe nuk ishin kthyer ne shtepi qe prej tre ditesh, me te cilet kishin humbur edhe kontaktet telefonike. Te afermit kane pohuar ne polici se fillimisht nuk ishin bere merak per humbjen e kontaktit telefonik, duke menduar se ata ndodheshin ne nje zone pa vale celulari dhe se do te ktheshin pas voneses ne peshkim.Por pasi kane kaluar me shume se 48 ore nga zhdukja, te afermit kane dhene alarmin ne strukturat e policise. Pas marrjes se ketij njoftimi, mengjesin e djeshem forca te shumta te policise jane vene ne kerkim te dy vellezerve peshkatare. Ne operacionin e kerkim-shpetimit kerkim kane marre pjese forca te policise kufitare, forcat RENEA dhe nje ekip polumbaresh. Ne baze te deshmive te familjareve, policia ka shkuar ne vendin ku ata kane treguar edhe pikenisjen e varkes se peshkatareve. Ne aksion per gjetjen e dy peshkatareve, jane angazhuar edhe forca te policise malazeze. Pas disa ore kerkimesh, forcat RENEA, kane mundur te gjejne afer vendit te quajtur Bishti i Rrjollit, trupin e pajete te 39-vjecarit Kujtim Kurtaj. Trupi i tij u gjet, ne bregun e liqenit Kalldrun ne Malesine e Madhe. Nderkohe kane vijuar deri vone kerkimet per trupin e vellait te tij, 45-vjecarit Agim Kurtaj, por deri ne oret e vona te djeshme, nuk ka patur asnje rezultat. Policia ka nisur edhe hetimet per shkakun e vdekjes se peshkatarit 39-vjecar. Sipas dyshimeve te para mendohet se varka e dy vellezerve, mund te jete permbysur per shkak te eres se forte, ndersa vdekja e tij mund te jete shkaktuar si pasoje e tempraturave te ulta te liqenit. Gjithesesi nenshtrimi i ekspertizes mjeko-ligjore te trupit te peshkatarit, do te zbardhe edhe te verteten per shkaqet e vdekjes.