Gjermani-Angli, ka festë para sfidës së sotme

Dy trajnerët kanë lën të lirë lojtarët me qëllim që të mund të argëtohen dhe të jenë më të qeta përa sfidës së sotme.

Fabio Kapelo ka dalë nga regjimi i tij strikt, duke u kujdesur më shumë për argëtimin dhe qetësinë e lojtarëve. Pas lajmit, para ndeshjes me Slloveninë kishte lejuar që të gjithë lojtarët të pinin birra edhe pa limit, nëse dëshironin. Ndërsa kësaj radhe, tekniku i ka bërë dhuratë ekipit të tij një darkë me “barbeky” në oborrin e resortit, ku kishte të pranishme kërcimtare “zulu”. Kjo ka ndodhur në mbrëmjen e ndeshjes kundër Sllovenisë.
Ndërsa përfaqësuesja gjermane ka qenë e survejuar nga shumë kamera në hotelin me pesë yje të Pretorias. Pas kualifikimit në 1/8-at, trajneri Joakim Lëv i ka lënë të lirë për një ditë lojtarët e tij. Së bashku ata vizituan kopshtin zoologjik, pasi futbollistët e kanë si pikë referimi dhe si shans pas një ndeshjeje. Ata argëtohen me kafshët. Mesfushori Ozil preferon të luajë rolin e mbretit të kafshëve, luanit; Khedira të zhapikut, të një zvarraniku grabitqar. Podolski ndihet mirë në prezencë të luanëve të vegjël, Toni Kros preferon të “teatrojë” në rolin e “pitonit” zvarranik, ndërsa mbrojtësi Boateng dhe Tomas Myler kanë preferuar të mbartin tradita dhe ngjyrime të kontinentit të Afrikës, pasi talenti 22-vjeçar ka preferuar të luajë rolin e një ushtari afrikan me një vegël muzikore në dorë. Kurse mbrojtësi që pritet të riaftësohet për ndeshjen e sotme, Xheremi Boateng, ka zgjedhur ta ngjyrosë trupin me figura e ngjyra tipike afrikane, duke treguar kështu edhe nervin e tij ganez. E kundërta ka ndodhur me mesfushorin Bastian Shvajnshtaiger, i cili ka qëndruar brenda katër mureve, në kujdesin e rrobave të bardha, për të bërë të mundur sa më shpejt rikuperimin e dëmtimit të tij në kofshën e djathtë.