Gjiknuri: Reforme e pjesshme zgjedhore, vetem per lokalet Qamil Xhani
Partia Socialiste sugjeron se reforma zgjedhore duhet te behet vetem per zgjedhjet vendore dhe jo per gjithe sistemin zgjedhore ne teresi. Zevendessekretari per Ceshtjet Ligjore ne Partine Socialiste, Damian Gjiknuri tha dje per gazeten “Koha Jone” se ne keto momente mund te flitet per reforme zgjedhore, vetem si pjese e zgjedhjeve lokale qe sipas Kushtetutes pritet te mbahen vitin e ardhshem. Ne kendveshtrimin e deputetit te PS-se kjo reforme, nuk ka perse te lidhet detyrimisht me reformen e sistemit elektoral, qe nenkupton reformen e zgjedhjeve te pergjithshme. “Reforma zgjedhore duhet te jete pjesore dhe ne funksion te zgjedhjeve lokale. Nuk ka pse duhet te lidhet me sistemin zgjedhor”, u shpreh Gjiknuri. Sipas deputetit te PS-se dhe anetarit te Komisionit te Ligjeve ne Kuvend, ceshtjet e zgjedhjeve te pergjithshme parlamentare jane te ndryshme nga zgjedhjet vendore qe pritet te mbahen vitin e ardhshem. Dhe ne kete menyre trajtimi i tyre duhet te jete objekt i nje tjeter komisioni pune qe do te merret me reformen zgjedhore. “Per nje reforme te suksesshme, nje komision hetimor disa mujor mund t’i paraprije reformes, me qellim qe rekomandimet te mbeshteten ne gjetjet e hetimit. Ceshtjet e zgjedhjeve te pergjithshme duhet te diskutohen pas zgjedhjeve vendore dhe s’ka pse te jene objekt i kesaj reforme te tanishme”, u shpreh dje Gjiknuri. Ne kete menyre deputeti i PS-se dhe nje prej bashkehartuesve te Kodit Zgjedhor te zgjedhjeve te kaluara, ka konfirmuar dhe nje here qendrimin e Partise Socialiste per ndryshimet thelbesore ne Kod. Ai ka theksuar se “eshte e nevojshme qe hetimi i zgjedhjeve dhe nxjerrja e problemeve dhe mangesive qe jane bere gjate zhvillimit te tyre do te krijonte kushtet per ndryshime me profesionale dhe me te sakta ne ligjin elektoral”. Qendrimi i Partise Socialiste per kerkesen e mazhorances per ndryshimet ne kod, ka qene se nuk mund te kete reformim te sistemit pa mesuar me pare pikat ku caluan zgjedhjeve gjate fushates se nje viti me pare. Sipas deputeteve te PS-se ngritja e komisionit hetimor eshte dhe baza me e mire per zbatimin e rekomandimeve te OSBE.-se ne lidhje me ndryshimet ne ligjin elektoral. Drejtues te mazhorances jane shprehur se jane te hapur qe te pranojne cdo propozim te opozites ne lidhje me ndryshimin e Kodit Zgjedhor.