Gjinushi: Shqiptaret, vote ndryshimit te vendit

Kryetari i Partise Social Demokrate, Skender Gjinushi, ka vijuar dje takimet elektorale ne qytetin e Pogradecit, ku ka shprehur bindjen e plote qe ne qershor shumica e shqiptareve do te vendosin per ndryshimin e qeverisjes se vendit. Ai theksoi se ne zgjedhjet parlamentare shqiptare do te vendosin per fitoren e koalicionit "Bashkimit per ndryshim", do te vendosin per fitoren e social demokrateve. "PSD do te mbetet forca bashkuese e te majtes dhe bashkimi duhet per te fituar zgjedhjet, bashkimi duhet per mireqeverisjen e vendit, prandaj ne garantojme qe PSD, si pjese e qeverisjes se ardhshme, do jete nje faktor i mireqeverisjes, nje qeverisje afatgjate, qeverisje pa kriza, qeverisje qe qeveris per ju dhe jo per pushtetaret", deklaroi Gjinushi. Sipas tij, me fitoren e thelle te se majtes do te clirohet dhe PD, sepse do te krijohet mundesia te kete nje kryetar tjeter dhe nje fryme tjeter.