Gjirokaster bllokohen 100 kg marijuane Lazarati
GJIROKASTR- Nje sasi prej 100 kilogramesh marijuane eshte bllokuar ndersa transportuesi i saj ka mundur te largohet. Droga po transportohej me nje automjet pa targa dhe kishte si vend origjine fshatin Lazarat ndersa si destinacion fillestar Saranden e me tej Greqine.
Policia deklaron se e ka identifikuar autorin dhe eshte ne kerkim te tij. Burime zyrtare kane bere te ditur se bllokimi e me tej sekuestrimi i sasise se lendes narkotike eshte bere nga postblloku i ngritur nga Policia Kufitare ne bashkepunim me uniformat blu te qarkullimit rrugor.
Specialistet e Njesise Rajonale te Qarkullimit Rrugor te cilet po shkonin per ne postbllokun e policise te ngritur ne aksin rrugor Jorgucat -Kakavije kane konstatuar se para tyre po levizte nje automjet pa targa ne drejtim te Jorgucatit. Menjehere i kane dhene shenje te ndaloje por drejtuesi i automjetit ka shtuar shpejtesine.
Punonjesit e Policise Rrugore kane njoftuar punonjesit e Policise Kufitare te cilet ishin ne postbllok ne kthesen e Jorgucatit ne rrugen nacionale per ta ndaluar. Makina qe levizte pa targa dhe me shpejtesi te madhe porsa ka pare postbllokun e policise kufitare ka rritur akoma shpejtesine duke shperthyer postbllokun e policise kufitare duke vene ne rrezik jeten e tyre.
Efektivet e Policise Kufitare dhe te Qarkullimit rrugor jane vene ne ndjekje te automjetit i cili vazhdoi levizjen ne drejtim te Sarandes ku ne aksin rrugor Jorgucat - Sarande ne dalje te fshatit Jorgucat drejtuesi i automjetit ka braktisur automjetin dhe eshte larguar me vrap duke perfituar edhe nga erresira thuhet ne komunikaten zyrtare te policise per kete ngjarje.
Pas kontrollit te ushtruar ne automjetin tip Hundai i cili kishte vetem nje targe te falsifikuar perpara GJ 2035 A jane gjetur ne brendesi te tij 4 canta te medha shpine brenda te cilave kishte 100 kilograme lende narkotike. Autori dyshohet se eshte nga fshati Lazarat.