Gjoba farmacive veterinare, shesin barna humane
Sonila Isaku
Gjoba prej 10 mije lekesh do te aplikohen per te gjitha ato farmaci veterinare, te cilat shesin barna humane. Ky ka qene vendimi qe ka marre dje Qendra Kombetare e Kontrollit te Barnave, e cila e ka pranuar faktin se barnat per njerezit shiten ne farmacite veterinare. Dhe kjo eshte vertetuar ne disa farmaci te rretheve, ku pas kontrolleve jane aplikuar edhe gjobat. “Fenomeni eshte vene re ne zona rurale, por edhe ne qytetet si Kavaja, ku se fundi jane vene edhe gjoba. Sipas ligjit, shkelesit denohen me 10 mije leke te reja, por kontrollet duhet te behen ne bashkepunim me inspektoret e Ministrise se Bujqesise”, eshte shprehur drejtori i Qendres Kombetare te Kontrollit te Barnave, Besnik Jakaj. Sipas tij, per t'i dhene fund kesaj tregtie te paligjshme po pergatitet nje marreveshje e perbashket me dikasterin e qe ka ne varesi farmacite veterinare, pikerisht me Ministrine e Bujqesise.
Ndonese gjate ketyre muajve te fundit jane kryer nje sere inspektimesh ne farmacite veterinare, ne disa zona te vendit prej vitesh nuk jane ushtruar kontrolle te tilla. Keshtu, sipas Qendres Kombetare te Kontrollit te Barnave, Permeti, Tepelena, Gramshi, Delvina, Hasi dhe Tropoja kane shitur dhe shesin barna humane ne farmaci veterinare per mungese te kontrollit. Nderkohe qe, sipas Jakajt, nuk eshte kompetence e institucionit qe ai drejton qe te kontrolloje keto farmaci veterinare. Fakti qe barnat humane shiten ne farmaci veterinare dhe bujqesore ne menyre te jashteligjshme e kane pohuar nje jave me pare vete grosistet, qe akuzojne keto farmaci per shkelje te ligjit. “Rreziku me i madh ne vendin tone eshte te farmacite veterinare, te cilat pervecse shesin barna humane, keto jane pa pulle sigurie dhe cmimi. Pra, jane barna kontrabande, te cilat me canta shkojne ne keto farmaci”, eshte shprehur kreu i bazes se grosisteve, Kastriot Zotaj. Por, edhe vete veterineret, te cilet drejtojne keto farmaci, e kane pranuar faktin qe shesin medikamente humane, por jo se i tregtojne te njerezit.
Barnat humane perdoren per kafshet
Vete farmacistet veterinare e kane pranuar faktin se ne qendrat e tyre shiten barna humane, por keto te fundit perdoren per kafshet. “Ka barna, te cilat jane humane, por ne i perdorim per kafshet dhe jo per tregtim te njerezit”, eshte shprehur Mehdi Bejko, veteriner. Sipas tij, keto ilace jane kryesisht qetesues si kafeina, serumi, jodi apo edhe lloje te ndryshme qe u jepen kafsheve ne momente krizash. Nderkohe, nje tjeter fakt qe del nga goja e tyre eshte se shume njerez kerkojne barna humane ne farmacite veterinere, por qe ky sherbim nuk ofrohet. “Ka pasur raste kur njerez kane ardhur, por ne i kemi drejtuar te farmacite humane, pasi nuk mund te trajtojme patologjite e tyre”, pohon veterineri Bejko. Sipas tij, ndodh qe njerezit, per shkak te padijes, ose ndrojtjes, kerkojne barna per zgjeben, por tregtimi i tyre eshte i jashteligjshem. Ne zonat malore vete farmacistet veterinare deklarojne se ekziston vetem nje lloj farmacie, e cila tregton medikamente per kafshet edhe per njerezit.
“Koha Jone” paralajmeroi faktin
Ka qene gazeta “Koha Jone”, e cila ne shkrimin e dates 6 dhjetor ka bere te ditur faktin se ne farmacite veterinare shiten barna per njerezit. Ky fakt eshte pranuar gjate dites se djeshme nga drejtori i Qendres Kombetare te Kontrollit te Barnave, i cili ka pohuar se pas nje marreveshjeje qe do te nenshkruhet me Ministrine e Bujqesise do te nisin inspektimet ne te gjitha qendrat dhe farmacite veterinare. Keto inspektime do te kene per baze kontrollin e medikamenteve humane qe shiten, nese jane kontrabande apo te ligjshme dhe destinacionin i tyre. Nderkohe qe kontrolli do te shtrihet ne te gjithe vendin, duke perfshire edhe farmacite humane edhe ato veterinare.