Gjykata e Vlores le ne burg Prudentinon

Gjykata e Vlores ka lene ne burg italianin Albino Prudentino i akuzuar per lidhje me organizaten mafioze Sacra Corona Unita. Gjithashtu prokuroria e ketij qyteti vendosi te vazhdonte hetimin per akuzat ndaj Prudentinos duke mos marre plotesisht per baze kerkesat e ardhura me leterporosi nga shteti italian lidhur me bllokimin e kompjuterit personal dhe disa kartave te telefonit te ketij te akuzuari. Prokuroria shqiptare ka vendosur qe sekuestrimi i tyre do te behet pasi drejtesia shqiptare te vertetoje akuzat ndaj italianit te akuzuar per lidhje mafioze. Keto dy vendime jane marre ne dy seanca te ndryshme te zhvilluara ne kete gjykate. Seanca e pare pati objekt shqyrtimi revokimin e mases Arrest me burg e kerkuar kjo nga avokati mbrojtes por gjykata vendosi ta linte ende ne burg Prudentinon. Kerkesa per revokimin e mases eshte depozituar disa dite me pare por nuk u shqyrtua pasi i akuzuari ndryshoi avokatin. Seanca e dyte ndaj Prudentinos kishte si objekt shqyrtimi nje leterporosi te ardhur Italia. Prokuroria italiane kerkonte bllokimin e kompjuterit personal te Prudentinos si edhe bllokimin e kartave te telefonit por prokuroria shqiptare ka deklaruar se i duhet lene kohe per te hetuar. Sipas tyre sekuestrimi do te behet pasi drejtesia shqiptare te vertetoje akuzat ndaj Albino Prudentinos. Arrestimi i 59-vjecarit lindur ne Ostuni Brindisi eshte kryer ne kuader te nje operacioni te gjere nderkombetar te koduar Calipso per venien para drejtesise te pjesetareve te organizates me karakter mafioz Sacra Corona Unita. Ndaj Prudentinos i cili akuzohet si njeri prej drejtuesve te organizates kriminale mafioze Sacra Corona Unita gjykata e Leces ne 20 shtator te ketij viti ka leshuar urdhrin e arrestit per bashkepunim ne krim nderkohe qe pas arrestimit reagoi organi qendror i akuzes dhe Prokuroria e Krimeve te Renda.