Gjykatat, tani me superkancelar
Pas kater oreve mbledhje me dyer te mbyllura, pak dite me pare, ministri ka bere propozimet e tij pavaresisht se ka qene i hapur edhe per qendrimet e kryetareve te gjykatave.
“Kryetaret e gjykatave s’kishin nevoje te bindeshin. Atyre iu dha mundesia qe pretendimet e tyre t’i draftonin dhe Ministria e Drejtesise i mori persiper ato qe te integrohen ne menyre te plote ne rregullore”, ka pohuar Alibeaj.
Por ndonese zyrtarisht nuk jepet asnje detaj per shtypin, ne projekt/rregullore, per te cilen pjesa me e madhe e kryetareve duket se mbajne rezerva, thuhet se kancelari kontrollon te gjitha dokumentat qe hyjne dhe duhet te firmosen ne gjykate.
Shortet, levizjet e punonjesve deri tek sekretaret apo buxheti hartohen nga kancelari. Megjithese kane refuzuar te flasin zyrtarisht, nje pjese e kryetareve te gjykateve kane shpjeguar nepermjet telefonit se ne kete menyre kryetaret menjanohen dhe posti i tyre behet dytesor ne gjykate, porse prononcimin e tyre publik do ta bejne ne ditet qe vijojne.
Por sipas ministrit te Drejtesise, nuk behet fjale per te krijuar nje superkancelar dhe per te kapercyer apo dubluar kompetencat e kryetareve te gjykatave. “Kancelari ka marre ato kompetenca qe i jep ligji qe eshte miratuar para 7 muajsh ne Parlament”, sqaron Alibeaj.
Ceshtja pritet te behet me e nxehte ne ditet qe vijne dhe ndoshta te jete pjese e nje tjeter debati te ashper mes ministrit te Drejtesise dhe Keshillit te Larte te Drejtesise.
Por shenjat e pushtetit te ri te kancelareve jane ndjere qe sot. Policet nuk kane lejuar gazetaret te hyjne ne Gjykaten e Shkalles se Pare ne Tirane, me pretekstin se keshtu ishin urdheruar nga kancelari.
Nje urdher qe vete kancelari Ilir Suli e hodhi poshte. Por ne fakt, vetem nje telefonate e tij u hapi serish rrugen gazetareve ne ambientet e gjykates.